masthmagaa.com:
ಮಯನ್ಮಾರ್ನಲ್ಲಿ ಸೇನೆಯ ಮೇಲೆ ಅಧಿಕಾರ ಬಿಟ್ಟು ತೊಲಗುವಂತೆ ಒತ್ತಡ ವಿಪರೀತ ಹೆಚ್ಚಾಗ್ತಿದೆ. ದೇಶದ ಒಳಗೂ ಹೊರಗೂ ಸರ್ವ ದಿಕ್ಕುಗಳಿಂದಲೂ ಸೇನೆಯ ಮೇಲೆ ಪ್ರಹಾರ ನಡೀತಿದೆ. ಯುರೋಪಿಯನ್ ಯೂನಿಯನ್ ಮಯನ್ಮಾರ್ ಮೇಲೆ ಹಲವು ನಿರ್ಬಂಧಗಳನ್ನ ಅನೌನ್ಸ್ ಮಾಡಿದ ಬೆನ್ನಲ್ಲೇ ಅಮೆರಿಕ ಕೂಡ ಇನ್ನಷ್ಟು ಹೊಸ ಸ್ಯಾಂಕ್ಷನ್ಸ್ ಅಥವಾ ನಿರ್ಬಂಧಗಳನ್ನ ಅನೌನ್ಸ್ ಮಾಡಿದೆ. ಮಯನ್ಮಾರ್ ಸೇನೆಯ ವಾಯುಪಡೆ ಮುಖ್ಯಸ್ಥ ಮೋಯೆ ಮಿಂಟ್ ಟುನ್ ಸೇರಿ ಇನ್ನೂ ಹಲವರ ವಿರುದ್ಧ ಅಮೆರಿಕ ನಿರ್ಬಂಧ ಜಾರಿ ಮಾಡಿದೆ. ಈ ಕೂಡಲೇ ಸೇನೆ ಜನರನ್ನ ಹತ್ತಿಕ್ಕೋದು, ಹಿಂಸಿಸೋದು ನಿಲ್ಲಿಸಬೇಕು. ಇಲ್ಲದೇ ಹೋದರೆ ಮತ್ತಷ್ಟು ಕಠಿಣ ಕ್ರಮಗಳನ್ನ ಕೈಗೊಳ್ಳಲು ನಾವು ಹಿಂಜರಿಯೋದಿಲ್ಲ ಅಂತ ಅಮೆರಿಕದ ಸೆಕ್ರೆಟರಿ ಆಫ್ ಸ್ಟೇಟ್ ಆಂಟನಿ ಬ್ಲಿಂಕನ್ ಹೇಳಿದ್ದಾರೆ.
ಈ ಮೂಲಕ ಅಗತ್ಯಬಿದ್ದರೆ ಮತ್ತಷ್ಟು ಕಠಿಣ ಕ್ರಮ ಹಾಗೂ ಸೇನಾ ಕ್ರಮಗಳಿಗೂ ತಾನು ಹಿಂಜರಿಯಲ್ಲ ಅಂತ ಅಮೆರಿಕ ಎಚ್ಚರಿಸಿದೆ. ಮತ್ತೊಂದುಕಡೆ ದೇಶದ ಒಳಗೂ ಜನ ಈ ಸಲ ಸೇನೆಗೆ ಹೆದರುತ್ತಿಲ್ಲ. ಇದುವರೆಗೆ ಸೇನೆ ಮೂವರು ಪ್ರತಿಭಟನಾಕಾರರನ್ನ ಗುಂಡಿಕ್ಕಿ ಹತ್ಯೆ ಮಾಡಿದೆ. ಕಣ್ಣುರಿ ತರಿಸುವ ಗ್ಯಾಸ್ ಪ್ರಯೋಗ ಮಾಡ್ತಿದಾರೆ. ಜಲಫಿರಂಗಿ, ರಬ್ಬರ್ ಬುಲೆಟ್ಗಳನ್ನೂ ಬಳಸ್ತಿದಾರೆ. ಆದ್ರೆ ಜನ ಒಂಚೂರೂ ಕೇರ್ ಮಾಡದೆ ಅಧಿಕಾರ ಬಿಟ್ಟು ತೊಲಗುವಂತೆ ಮಯನ್ಮಾರ್ ಸೇನೆ ವಿರುದ್ಧ ದಂಗೆ ಎದ್ದಿದ್ದಾರೆ. ಇದರ ಪರಿಣಾಮ ಸೇನೆ ಕಂಗೆಟ್ಟು ಹೋಗಿದೆ. ರಾಜಧಾನಿ ನ್ಯಾಪಿಡಾವ್, ಅತಿ ದೊಡ್ಡ ನಗರ ಯಾಂಗೋನ್ ಸೇರಿ ಆಯಕಟ್ಟಿನ ಸ್ಥಳಗಳಲ್ಲಿ ಸೇನಾ ಜಮಾವಣೆಯನ್ನ ಹೆಚ್ಚು ಮಾಡಿದೆ. ಈ ಮೂಲಕ ಮಯನ್ಮಾರ್ನಲ್ಲಿ ಪರಿಸ್ಥಿತಿ ಯಾವುದೇ ಕ್ಷಣದಲ್ಲಿ ವಿಕೋಪಕ್ಕೆ ಹೋಗೋ ಲಕ್ಷಣ ಕಾಣಿಸ್ತಿದೆ.
-masthmagaaa.com
Contact Us for Advertisement