masthmagaa.com:
ಲಂಡನ್: ಭವಿಷ್ಯದಲ್ಲಿ ಕೊರೋನಾ ವೈರಸ್ ಹಾವಳಿಯ ಜೊತೆಗೇ ಬದುಕಬೇಕಾಗುತ್ತೆ.. ಕೊರೋನಾಗೆ ಲಸಿಕೆ ಕಂಡು ಹಿಡಿಯೋ ಯಾವುದೇ ಗ್ಯಾರಂಟಿ ಇಲ್ಲ ಅಂತ ವಿಶ್ವ ಆರೋಗ್ಯ ಸಂಸ್ಥೆಯ ಕೋವಿಡ್-19ನ ವಕ್ತಾರ ಡೇವಿಡ್ ನಬಾರೋ ಹೇಳಿದ್ದಾರೆ. ಲಂಡನ್ನ ಇಂಪೀರಿಯಲ್ ಕಾಲೇಜಿನಲ್ಲಿ ಗ್ಲೋಬಲ್ ಹೆಲ್ತ್ ಪ್ರೊಫೆಸರ್ ಆಗಿರುವ ಇವರು, ದಿ ಗಾರ್ಡಿಯನ್ಗೆ ಈ ಮಾಹಿತಿ ನೀಡಿದ್ದಾರೆ.
ಮಾನವರು ಹೊಸ ಪರಿಸ್ಥಿತಿಗೆ ತಕ್ಕಂತೆ ಹೊಂದಾಣಿಕೆ ಮಾಡಿಕೊಳ್ಳಬೇಕು. ಕೊರೋನಾ ವೈರಸ್ಗೆ ಶೀಘ್ರದಲ್ಲೇ ಲಸಿಕೆ ಕಂಡು ಹಿಡಿಯಲಾಗುತ್ತೆ ಎಂದು ಭಾವಿಸಬಾರದು. ಪ್ರತಿಯೊಂದು ವೈರಸ್ ವಿರುದ್ಧ ಸುರಕ್ಷಿತ ಮತ್ತು ಪರಿಣಾಮಕಾರಿ ಲಸಿಕೆ ಕಂಡು ಹಿಡಿಯಲು ಆಗೋದಿಲ್ಲ. ಕೆಲವು ವೈರಸ್ಗಳಿಗೆ ಲಸಿಕೆ ತಯಾರಿಸೋದು ತುಂಬಾ ಕಷ್ಟ.. ಹೀಗಾಗಿ ಇಂತಹ ವೈರಸ್ಗಳ ನಡುವೆಯೇ ನಮ್ಮ ಜೀವನ ನಡೆಸಲು ಹೊಸ ಮಾರ್ಗ ಹುಡುಕಬೇಕು ಎಂದು ಹೇಳಿದ್ದಾರೆ.
ಹೊಸ ಮಾರ್ಗ ಅಂದ್ರೆ, ಯಾರಿಗೆ ಕೊರೋನಾ ಲಕ್ಷಣ ಬರುತ್ತೋ ಅವರನ್ನು ಕೂಡಲೇ ಐಸೋಲೇಷನ್ನಲ್ಲಿ ಇರಿಸಬೇಕು. ಅವರ ಜೊತೆ ಸಂಪರ್ಕಕ್ಕೆ ಬಂದವರನ್ನೂ ಐಸೋಲೇಷನ್ನಲ್ಲಿ ಇರಿಸಬೇಕು.. ವೃದ್ಧರನ್ನು ಈ ಸೋಂಕಿಗೆ ತುತ್ತಾಗದಂತೆ ನೋಡಿಕೊಳ್ಳಬೇಕು.. ಕೊರೋನಾ ಪೀಡಿತರಿಗೆ ಚಿಕಿತ್ಸೆ ನೀಡುತ್ತಿರುವ ಆಸ್ಪತ್ರೆಗಳ ಸಾಮರ್ಥ್ಯವನ್ನು ಹೆಚ್ಚಿಸಬೇಕು ಎಂದು ತಿಳಿಸಿದ್ದಾರೆ.
-masthmagaa.com
Contact Us for Advertisement