masthmagaa.com:
ನೋಯ್ಡಾ: ಮಾಲ್ ಒಂದರಲ್ಲಿ ಮಹಿಳೆಯೊಬ್ಬರು ಟ್ರಯಲ್ ರೂಂನಲ್ಲಿದ್ದಾಗ ವ್ಯಕ್ತಿಯೊಬ್ಬ ಇಣುಕಿ ನೋಡಿದ್ದಾನೆ. ನೋಯ್ಡಾದ ಶಾಪಿಂಗ್ ಮಾಲ್ ಒಂದರಲ್ಲಿ ಈ ಘಟನೆ ನಡೆದಿದ್ದು, ಆರೋಪಿ ಯುವಕನನ್ನು ಪೊಲೀಸರು ಬಂಧಿಸಿದ್ದಾರೆ.
ನೋಯ್ಡಾದ ಸೆಕ್ಟರ್ 32ನಲ್ಲಿರೋ ಮಾಲ್ ಒಂದಕ್ಕೆ ದಂಪತಿ ಭೇಟಿ ನೀಡಿದ್ದರು. ಈ ವೇಳೆ ಮಹಿಳೆ ಡ್ರೆಸ್ ಒಂದನ್ನು ತೆಗೆದುಕೊಂಡು ಟ್ರಯಲ್ ನೋಡಲು ತೆರಳಿದ್ದರು. ಈ ವೇಳೆ ಟ್ರಯಲ್ ರೂಂ ಹೊರಗಿನಿಂದ ಯಾರೋ ಇಣುಕುತ್ತಿರೋದು ಮಹಿಳೆಯ ಗಮನಕ್ಕೆ ಬಂದಿದೆ. ತಕ್ಷಣ ಅವರು ಬಾಗಿಲು ತೆಗೆದು ನೋಡಿದಾಗ ಅಲ್ಲಿ ಮಾಲ್ನ ಹೌಸ್ ಕೀಪಿಂಗ್ ಯುವಕನೊಬ್ಬ ನಿಂತುಕೊಂಡಿದ್ದ. ಮಹಿಳೆ ತಕ್ಷಣ ಈ ಬಗ್ಗೆ ತಮ್ಮ ಪತಿ ಮತ್ತು ಮಾಲ್ನ ಸಿಬ್ಬಂದಿಗೆ ತಿಳಿಸಿದ್ದಾರೆ.
ನಂತರ ಮಾಲ್ ಸಿಬ್ಬಂದಿ ಪೊಲೀಸರಿಗೆ ಕರೆ ಮಾಡಿದ್ದು, ಸ್ಥಳಕ್ಕೆ ಬಂದ ಪೊಲೀಸರು 21 ವರ್ಷದ ಯುವಕನನ್ನು ಅರೆಸ್ಟ್ ಮಾಡಿದ್ದಾರೆ. ಸದ್ಯ ಯುವಕನನ್ನು ಕೋರ್ಟ್ ಮುಂದೆ ಹಾಜರುಪಡಿಸಲಾಗಿದ್ದು, ನ್ಯಾಯಾಂಗ ಬಂಧನ ವಿಧಿಸಲಾಗಿದೆ.
masthmagaa.com:
Contact Us for Advertisement