-masthmagaa.com
ಚೀನಾದ ವುಹಾನ್ನಲ್ಲಿ ಕಾಣಿಸಿಕೊಂಡು ಸದ್ಯ ಜಗತ್ತಿನ ವಿವಿಧ ದೇಶಗಳಲ್ಲಿ ಆತಂಕ ಸೃಷ್ಟಿಸಿರೋ ಕೊರೋನಾ ವೈರಸ್ಗೆ ಮತ್ತೊಬ್ಬ ವೈದ್ಯ ಬಲಿಯಾಗಿದ್ದಾನೆ. ವುಹಾನ್ ಸೆಂಟ್ರಲ್ ಆಸ್ಪತ್ರೆಯ 57 ವರ್ಷದ ವೈದ್ಯ ಮೆಯಿ ಝೋಂಗ್ಮಿಂಗ್ ಕೊರೋನಾ ವೈರಸ್ ತಗುಲಿ ಮೃತಪಟ್ಟಿದ್ದಾರೆ. ಈ ಮೂಲಕ ಒಂದೇ ಆಸ್ಪತ್ರೆಯ ಮೂವರು ವೈದ್ಯರು ಮಹಾಮಾರಿಗೆ ಬಲಿಯಾದಂತಾಗಿದೆ. ಮೆಯಿ ನಿಧನಕ್ಕೆ ವುಹಾನ್ ಸೆಂಟ್ರಲ್ ಆಸ್ಪತ್ರೆ ಸಂತಾಪ ಸೂಚಿಸಿದೆ.
ಕೊರೋನಾ ವೈರಸ್ ಬಗ್ಗೆ ಇಡೀ ವಿಶ್ವವನ್ನ ಮೊದಲು ಅಲರ್ಟ್ ಮಾಡಿದ್ದ ಇದೇ ಆಸ್ಪತ್ರೆಯ ಲೀ ವೆನ್ಲಿಯಾಂಗ್ ಫೆಬ್ರವರಿ 7ರಂದು ಕೊರೋನಾಗೆ ಬಲಿಯಾಗಿದ್ದರು. ಲೀ ವೆನ್ಲಿಯಾಂಗ್ ಕೆಲಸ ಮಾಡುತ್ತಿದ್ದ ವಿಭಾಗದಲ್ಲೇ ಮೇಯಿ ಝೋಂಗ್ಮಿಂಗ್ ಕೂಡ ಇದ್ದರು. ಇನ್ನು ಮಾರ್ಚ್ 1ರಂದು ಝಿಯಾಂಗ್ ಕ್ಸೆಕ್ವಿಂಗ್ ಎಂಬ ಡಾಕ್ಟರ್ ಕೊರೋನಾದಿಂದ ಕೊನೆಯುಸಿರೆಳೆದಿದ್ದರು. ಈ ಮೂಲಕ ಮಹಾಮಾರಿಗೆ ವುಹಾನ್ ಸೆಂಟ್ರಲ್ ಆಸ್ಪತ್ರೆಯ ಮೂವರು ವೈದ್ಯರು ಮೃತಪಟ್ಟಂತಾಗಿದೆ.
-masthmagaa.com
Contact Us for Advertisement