ವಿಮಾನ ಪ್ರಯಾಣಿಕರೊಬ್ಬರು ತಮ್ಮ ಲಗೇಜ್ ತೂಕ ಇಳಿಸೋ ಸಲುವಾಗಿ ಒಂದರ ಮೇಲೊಂದರಂತೆ ತುಂಬಾ ಬಟ್ಟೆ ಹಾಕಿಕೊಂಡು ಸುದ್ದಿಯಾಗಿದ್ದಾರೆ. ಪಿಲಿಪ್ಪೀನ್ಸ್ ಮೂಲದ ಗೆಲ್ ರೋಡ್ರಿಗಜ್ ಈ ಬಗ್ಗೆ ತಮ್ಮ ಫೇಸ್ಬುಕ್ ಅಕೌಂಟ್ನಲ್ಲಿ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ.
ಏರ್ಪೋರ್ಟ್ನಲ್ಲಿ ವಿಮಾನ ಸಿಬ್ಬಂದಿ ಕೇವಲ 7 ಕೆಜಿ ಲಗೇಜ್ ಮಾತ್ರ ಜೊತೆಗೆ ಒಯ್ಯಲು ಅವಕಾಶ, ಅದಕ್ಕಿಂತ ಹೆಚ್ಚಿದ್ದರೆ ಹೆಚ್ಚುವರಿ ಹಣ ಕಟ್ಟಬೇಕು ಎಂದು ಹೇಳಿದ್ದಾರೆ. ಗೆಲ್ ಅವರ ಸೂಟ್ಕೇಸ್ ಬರೋಬ್ಬರಿ 9.5 ಕೆಜಿ ತೂಕವಿತ್ತು. ಆದ್ರೆ ಗೆಲ್ ರೋಡ್ರಿಗಜ್ ಹೆಚ್ಚುವರಿ ಹಣ ಪಾವತಿಸಲು ನಿರಾಕರಿಸಿದ್ದಾರೆ. ಸೂಟ್ಕೇಸ್ ತೂಕ ಇಳಿಸಲು ಒಂದರ ಮೇಲೊಂದು ಬಟ್ಟೆ ಧರಿಸಿಕೊಂಡಿದ್ದಾರೆ. ಹೀಗೆ ಎರಡೂವರೆ ಕೆಜಿಗೂ ಅಧಿಕ ಬಟ್ಟೆ ತೆಗೆದು, ಒಂದರ ಮೇಲೊಂದು ಧರಿಸಿಕೊಂಡಿದ್ದಾರೆ. ಇದರಿಂದ ಸೂಟ್ಕೇಸ್ ತೂಕ ಆರೂವರೆ ಕೆಜಿಗೆ ಇಳಿದಿದೆ. ಹೀಗೆ 5 ಜೊತೆ ಪ್ಯಾಂಟ್ ಶರ್ಟ್ ಮತ್ತು ಜಾಕೆಟ್ ಧರಿಸಿರೋ ಫೋಟೋ ಕೂಡ ಫೇಸ್ಬುಕ್ನಲ್ಲಿ ಶೇರ್ ಮಾಡಿದ್ದಾರೆ.
ಈ ಫೋಟೋವನ್ನು 20 ಸಾವಿರ ಜನ ಶೇರ್ ಮಾಡಿದ್ದು, 33 ಸಾವಿರ ಜನ ಕಾಮೆಂಟ್ ಮಾಡಿದ್ದಾರೆ.
Contact Us for Advertisement
