ಬೆತ್ತಲೆಯಾಗಿ ಓಡಿ ವೃದ್ಧೆಯನ್ನ ಕಚ್ಚಿ ಸಾಯಿಸಿದ ಕೊರೋನಾ ಶಂಕಿತ..!

masthmagaa.com:

ಹೋಂ ಕ್ವಾರಂಟೈನ್​ನಲ್ಲಿದ್ದ 35 ವರ್ಷದ ವ್ಯಕ್ತಿಯೊಬ್ಬ ಬೆತ್ತಲೆಯಾಗಿ ಮನೆಯಿಂದ ಹೊರಗೆ ಬಂದು 80 ವರ್ಷದ ವೃದ್ಧೆಯನ್ನ ಕಚ್ಚಿ ಸಾಯಿಸಿದ ವಿಚಿತ್ರ ಘಟನೆ ತಮಿಳುನಾಡಿನಲ್ಲಿ ನಡೆದಿದೆ.

ಆರೋಪಿ ಮಣಿಕಂದನ್​ ಇತ್ತೀಚೆಗಷ್ಟೇ ಶ್ರೀಲಂಕಾದಿಂದ ಹುಟ್ಟೂರಿಗೆ ಮರಳಿದ್ದ. ಹೀಗಾಗಿ ಆತನನ್ನ ಹೋಂ ಕ್ವಾರಂಟೈನ್​ನಲ್ಲಿ ಇರಿಸಲಾಗಿತ್ತು. ಅದನ್ನ ಉಲ್ಲಂಘಿಸಿ ಬೆತ್ತಲೆಯಾಗಿ ಹೊರಗೆ ಓಡಿ ಬಂದ ಆತ, ವೃದ್ಧೆಯ ಕುತ್ತಿಗೆ ಭಾಗಕ್ಕೆ ಕಚ್ಚಿದ್ದಾನೆ. ತಕ್ಷಣ ವೃದ್ಧೆಯನ್ನ ಆಸ್ಪತ್ರೆಗೆ ದಾಖಲಿಸಿದ್ರೂ ಚಿಕಿತ್ಸೆ ಫಲಕಾರಿಯಾಗದೆ ಅವರು ಮೃತಪಟ್ಟಿದ್ದಾರೆ ಅಂತ ಪೊಲೀಸರು ತಿಳಿಸಿದ್ದಾರೆ.

2010ರಲ್ಲಿ ಆರೋಪಿ ಮಣಿಕಂದನ್​ ಮದುರೈನ ಆಸ್ಪತ್ರೆಯಲ್ಲಿ ಮಾನಸಿಕ ಅಸ್ವಸ್ತತೆಗೆ ಚಿಕಿತ್ಸೆ ಪಡೆದಿದ್ದ. ಈತನ ಕುಟುಂಬಸ್ಥರು ಹೇಳುವ ಪ್ರಕಾರ ಬ್ಯುಸಿನೆಸ್​ನಲ್ಲಿ ಸಾಕಷ್ಟು ನಷ್ಟ ಅನುಭವಿಸಿದ್ದ ಈತ ಖಿನ್ನತೆಗೆ ಒಳಗಾಗಿದ್ದ ಎನ್ನಲಾಗಿದೆ.

-masthmagaa.com