masthmagaa.com:
ದೆಹಲಿ: ಭಾರತ ಬಾಹ್ಯಾಕಾಶ ಕ್ಷೇತ್ರವನ್ನು ಮುಕ್ತಗೊಳಿಸುವ ನಿರ್ಧಾರ ಮಾಡಿದ ಕೆಲವೇ ತಿಂಗಳಲ್ಲಿ ಭಾರತ ಮೂಲದ 22 ಮತ್ತು 4 ವಿದೇಶಿ ಕಂಪನಿಗಳು ಪ್ರಸ್ತಾವನೆಯನ್ನು ಸಲ್ಲಿಸಿವೆ. ಇಸ್ರೋದಿಂದ ಹೊಸದಾಗಿ ರಚಿಸಲಾದ ಇನ್-ಸ್ಪೇಸ್ ಸಂಸ್ಥೆ ಈ ಪ್ರಸ್ಥಾವನೆಗಳನ್ನು ಪರಿಶೀಲಿಸುತ್ತಿದೆ. ಇವುಗಳ ಪೈಕಿ ಅಮೆರಿಕ ಮೂಲಕ ಜೆಫ್ ಬೆಜೋಸ್ರ ಅಮೆಜಾನ್ ವೆಬ್ ಸರ್ವೀಸ್, ಭಾರ್ತಿ ಗ್ರೂಪ್ ಬೆಂಬಲಿತ ಇಂಗ್ಲೆಂಡ್ ಮೂಲದ ಒನ್ ವೆಬ್ ಕೂಡ ಸೇರಿವೆ.
ಇನ್-ಸ್ಪೇಸ್ ( ಇಂಡಿಯನ್ ನ್ಯಾಷನಲ್ ಸ್ಪೇಸ್ ಪ್ರೊಮೋಷನ್ & ಆಥರೈಸೇಷನ್ ಸೆಂಟರ್ ) ಮುಂದೆ ಗ್ರೌಂಡ್ ಸ್ಟೇಷನ್ಗಳ ನಿರ್ಮಾಣ, ಸೆಟಲೈಟ್ ಉಡಾವಣಾ ವಾಹನಗಳು ಮತ್ತು ಅಪ್ಲಿಕೇಷನ್ಗಳನ್ನು ನಿರ್ಮಿಸಿಕೊಡಲು ಅನುಮತಿ ಕೋರಿವೆ.
ಈ ಬಗ್ಗೆ ಪ್ರತಿಕ್ರಿಯಿಸಿದ ಬಾಹ್ಯಾಕಾಶ ವಿಭಾಗದ ಕಾರ್ಯದರ್ಶಿ ಕೆ.ಸಿವನ್, ಎಲ್&ಟಿ ಮತ್ತು ಭಾರ್ತಿ ಗ್ರೂಪ್ನಂತಹ ದೊಡ್ಡ ದೊಡ್ಡ ಕಂಪನಿಗಳ ಜೊತೆಗೆ ಸಣ್ಣಪುಟ್ಟ ಸ್ಟಾರ್ಟಪ್ಗಳು ಕೂಡ ಪ್ರಧಾನಿ ಮೋದಿಯವರ ವಿಷನ್ಗೆ ಬೆಂಬಲಿಸುತ್ತಿದ್ದಾರೆ. ಅದೇ ರೀತಿ ಅಮೆಜಾನ್ನಂತಹ ವಿದೇಶಿ ಕಂಪನಿ ಕೂಡ ಭಾರತವನ್ನು ಜಾಗತಿಕ ಬಾಹ್ಯಾಕಾಶ ಕೇಂದ್ರವನ್ನಾಗಿ ಮಾಡಲು ಸಹಾಯ ಮಾಡಲು ಆಸಕ್ತಿ ತೋರಿಸುತ್ತಿದೆ ಅಂತ ಹೇಳಿದ್ದಾರೆ.
-masthmagaa.com
Contact Us for Advertisement