masthmagaa.com:
ಚೀನಾ: ರಾಷ್ಟ್ರೀಯ ರಕ್ಷಣಾ ಕಾನೂನಿನಲ್ಲಿ ಕೆಲವೊಂದು ಬದಲಾವಣೆಗಳನ್ನು ಮಾಡಿ, ಕ್ಸಿ ಜಿನ್ಪಿಂಗ್ ನೇತೃತ್ವದ ಸಶಸ್ತ್ರ ಪಡೆಯ ಅಧಿಕಾರಗಳನ್ನು ಹೆಚ್ಚಿಸಲಾಗಿದೆ. ದೇಶದ ಒಳಗೆ ಮತ್ತು ದೇಶದ ಹೊರಗೆ ಚೀನಾದ ರಾಷ್ಟ್ರೀಯ ಹಿತಾಸಕ್ತಿಗಳನ್ನು ಕಾಪಾಡಿಕೊಳ್ಳೋದು ಇದರ ಉದ್ದೇಶವಾಗಿದೆ. ಇದು ಸ್ಟೇಟ್ ಕೌನ್ಸಿಲ್ ಮತ್ತು ಚೀನಾ ಮಂತ್ರಿ ಮಂಡಲದ ಮುಖ್ಯಸ್ಥ ಲಿ ಕೇಕಿಯಾಂಗ್ ಅವರ ಮಿಲಿಟರಿ ನೀತಿಗಳನ್ನು ರೂಪಿಸುವ ಅಧಿಕಾರವನ್ನು ಕಡಿತಗೊಳಿಸಲಿದೆ. ಜೊತೆಗೆ ಸೆಂಟ್ರಲ್ ಮಿಲಿಟರಿ ಕಮಿಷನ್ಗೆ ಮಹತ್ವದ ನಿರ್ಧಾರಗಳನ್ನು ಕೈಗೊಳ್ಳುವ ಅಧಿಕಾರವನ್ನು ನೀಡಲಿದೆ. ಇವರೆಲ್ಲರಿಗಿಂತಲೂ ಟಾಪ್ ಪೊಸಿಷನ್ನಲ್ಲಿ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ಇರಲಿದ್ದಾರೆ.
ಈಗಾಗಲೇ ಚೀನಾದ ಕಮ್ಯೂನಿಸ್ಟ್ ಪಾರ್ಟಿ ಸಂಸ್ಥಾಪಕ ಮಾವೋ ತ್ಸೇ ತುಂಗ್ ಬಳಿಕ ಅತೀ ಶಕ್ತಿಶಾಲಿ ನಾಯಕನಾಗಿ ಕ್ಸಿ ಜಿನ್ಪಿಂಗ್ ಬೆಳೆದಾಗಿದೆ. ಪಕ್ಷದ ಪ್ರಧಾನ ಕಾರ್ಯದರ್ಶಿಯೂ ಆಗಿರುವ ಜಿನ್ಪಿಂಗ್, ಜೀವನ ಪರ್ಯಂತ ಅಧ್ಯಕ್ಷರಾಗಿರುವಂತೆ ಕಾನೂನಿನಲ್ಲಿ ಬದಲಾವಣೆಗಳನ್ನು ಮಾಡಿಕೊಂಡಿದ್ದಾರೆ.
ಕಳೆದ ನವೆಂಬರ್ನಲ್ಲಿ ಕಮ್ಯೂನಿಸ್ಟ್ ಪಾರ್ಟಿ ಆಫ್ ಚೀನಾ, 2027ರ ವೇಳೆಗೆ ಸೇನೆಯನ್ನು ಅಮೆರಿಕಗಿಂತ ಆಧುನೀಕರಣಗೊಳಿಸುವ ಪ್ಲಾನ್ನ್ನು ಅಂತಿಮಗೊಳಿಸಿತ್ತು. ಇದೀಗ ಸೇನೆಗೆ ಮತ್ತಷ್ಟು ಅಧಿಕಾರಗಳನ್ನು ನೀಡಿದೆ..
-masthmagaa.com
Contact Us for Advertisement