masthmagaa.com:
ದೆಹಲಿ: ಭಾರತದಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಜಾಸ್ತಿಯಾಗುತ್ತಲೇ ಇದೆ. ಕಳೆದ 24 ಗಂಟೆಯಲ್ಲಿ 3,900 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು, 195 ಮಂದಿ ಸಾವನ್ನಪ್ಪಿದ್ದಾರೆ. ಭಾರತದಲ್ಲಿ ಕೊರೋನಾ ಹಾವಳಿ ಶುರುವಾದ ಬಳಿಕ ಒಂದೇ ದಿನದಲ್ಲಿ ಈ ಪ್ರಮಾಣದಲ್ಲಿ ಸೋಂಕಿತರು ಪತ್ತೆಯಾಗಿದ್ದು ಮತ್ತು ಸಾವನ್ನಪ್ಪಿದ್ದು ಇದೇ ಮೊದಲು…
ಈ ಮೂಲಕ ದೇಶದಲ್ಲಿ ಈವರೆಗೆ 46,433 ಮಂದಿಗೆ ಸೋಂಕು ತಗುಲಿದಂತಾಗಿದೆ. ಮೃತರ ಸಂಖ್ಯೆ 1,568ಕ್ಕೆ ಏರಿಕೆಯಾಗಿದೆ. ಇನ್ನು 12,727 ಮಂದಿ ಗುಣಮುಖರಾಗಿದ್ದು, 32,134 ಮಂದಿ ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ದೇಶದ ಒಟ್ಟು ಸೋಂಕಿತರಲ್ಲಿ ಶೇ.52ರಷ್ಟು ಸೋಂಕಿತರು ಮಹಾರಾಷ್ಟ್ರ, ಗುಜರಾತ್, ದೆಹಲಿ ರಾಜ್ಯಗಳಲ್ಲಿದ್ದಾರೆ. ಮೊದಲ ಸ್ಥಾನದಲ್ಲಿರೋ ಮಹಾರಾಷ್ಟ್ರದಲ್ಲಿ 14,541 ಮಂದಿಗೆ ಸೋಂಕು ತಗುಲಿದ್ರೆ, 583 ಮಂದಿ ಸಾವನ್ನಪ್ಪಿದ್ದಾರೆ. 2ನೇ ಸ್ಥಾನದಲ್ಲಿರೋ ಗುಜರಾತ್ನಲ್ಲಿ 5,804 ಮಂದಿಗೆ ಸೋಂಕು ತಗುಲಿದ್ರೆ, 319 ಮಂದಿ ಸಾವನ್ನಪ್ಪಿದ್ದಾರೆ. 3ನೇ ಸ್ಥಾನದಲ್ಲಿರೋ ದೆಹಲಿಯಲ್ಲಿ 4,898 ಮಂದಿಗೆ ಸೋಂಕು ತಗುಲಿದ್ದು, 64 ಮಂದಿ ಸಾವನ್ನಪ್ಪಿದ್ದಾರೆ.
-masthmagaa.com
Contact Us for Advertisement