masthmagaa.com:
ಬಿಹಾರ: ಕೊರೋನಾ ವೈರಸ್ ಹರಡುವ ಭೀತಿ ಹಿನ್ನೆಲೆಯಲ್ಲಿ ಇಡೀ ದೇಶವನ್ನು ಲಾಕ್ಡೌನ್ ಮಾಡಲಾಗಿದೆ. ಆದ್ರೆ ಇದ್ರಿಂದ ದಿನದ ಸಂಪಾದನೆ ನಂಬಿಕೊಂಡು ಬದುಕುತ್ತಿದ್ದ ಜನರು ಸಂಕಷ್ಟಕ್ಕೀಡಾಗಿದ್ದಾರೆ. ಅದ್ರಲ್ಲೂ ವಲಸೆ ಬಂದು ಕೆಲಸ ಮಾಡುತ್ತಿದ್ದ ಕಾರ್ಮಿಕರಿಗೆ ಕೆಲಸವಿಲ್ಲದೇ ಈ ನಗರಗಳಲ್ಲಿ ಬದುಕೋದು ಕಷ್ಟವಾಗ್ತಿದೆ. ಹೀಗಾಗಿ ಕಾರ್ಮಿಕರು ನಡೆದುಕೊಂಡು, ಸೈಕಲ್, ರಿಕ್ಷಾ ಮೂಲಕ ತಮ್ಮ ಗ್ರಾಮಗಳಿಗೆ ಸೇರಿಕೊಳ್ಳಲು ಯತ್ನಿಸ್ತಿದ್ದಾರೆ.
ಇದೇ ರೀತಿಯ ಘಟನೆ ಬಿಹಾರದ ಗೋಪಾಲ್ಗಂಜ್ನಲ್ಲಿ ನಡೆದಿದೆ. ಇಲ್ಲಿನ ರಾಜ್ಕುಮಾರ್ ಎಂಬಾತ ಜಾರ್ಖಂಡ್ನ ರಾಜಧಾನಿ ರಾಂಚಿಯಲ್ಲಿ ಡ್ರೈವರ್ ಕೆಲಸ ಮಾಡಿಕೊಂಡಿದ್ದರು. ಆದ್ರೆ ಲಾಕ್ಡೌನ್ನಿಂದಾಗಿ ಕೆಲಸವೇ ಇಲ್ಲದಂತಾಯ್ತು. ಹೊತ್ತಿನ ಊಟಕ್ಕೂ ಕಷ್ಟವಾದಾಗ ರಾಜ್ಕುಮಾರ್, ಸೈಕಲ್ ಮೂಲಕ ತಮ್ಮ ಗ್ರಾಮಕ್ಕೆ ತೆರಳಲು ನಿರ್ಧರಿಸಿದ್ರು.
ಈ ರೀತಿ 400 ಕಿಲೋಮೀಟರ್ ದೂರದ ಗ್ರಾಮಕ್ಕೆ ಹೊರಟ ರಾಜ್ಕುಮಾರ್ಗೆ ಮಾರ್ಗ ಮಧ್ಯೆ ಹಲವು ಕಷ್ಟಗಳು ಎದುರಾದವು. ಆದ್ರೆ ಮಾರ್ಗದಲ್ಲಿ ಸಿಕ್ಕ ಎಲ್ಲಾ ಪೊಲೀಸರು ರಾಜ್ಕುಮಾರ್ಗೆ ಊಟ, ತಿಂಡಿ ನೀಡಿ ತಮ್ಮ ಕೈಲಾದ ಸಹಾಯ ಮಾಡಿದರು. ಕೊನೆಗೂ 3 ದಿನಗಳ ಪ್ರಯಾಣದ ಬಳಿಕ ರಾಜ್ಕುಮಾರ್ ತಮ್ಮ ಗ್ರಾಮವನ್ನು ತಲುಪಿದ್ದಾರೆ.
-masthmagaa.com
Contact Us for Advertisement