masthmagaa.com:
ಅಮೆರಿಕ: ಪ್ರಪಂಚದಲ್ಲಿ ಇದೇ ಮೊದಲ ಬಾರಿಗೆ ಅಮೆರಿಕದಲ್ಲಿ ಏಡ್ಸ್ ಪೀಡಿತರಿಬ್ಬರು ಚಿಕಿತ್ಸೆಯೇ ಇಲ್ಲದೆ ಗುಣಮುಖರಾಗಿದ್ಧಾರೆ. ಇವರ ದೇಹದಲ್ಲಿದ್ದ ರೋಗ ನಿರೋಧಕ ಶಕ್ತಿಯೇ ಮಾರಕ ಹೆಚ್ಐವಿಯನ್ನು ಮಟ್ಟಹಾಕಿದೆ. ಇದನ್ನು ಕಂಡ ವಿಶ್ವದ ವಿಜ್ಞಾನಿಗಳು ಮತ್ತು ವೈದ್ಯರೇ ದಂಗಾಗಿ ಹೋಗಿದ್ಧಾರೆ. ಯಾಕಂದ್ರೆ ಹೆಚ್ಐವಿ ಸೋಂಕು ಒಮ್ಮೆ ವಕ್ಕರಿಸಿಕೊಂಡ್ರೆ ಜೀವನದ ಉದ್ದಕ್ಕೂ ಔಷಧ ಸೇವಿಸುತ್ತಲೇ ಇರಬೇಕು. ಈ ಹಿಂದೆ ಎರಡು ಬಾರಿ ಹೆಚ್ಐವಿ ಪೀಡಿತರಿಗೆ ಬೋನ್ ಮ್ಯಾರೋ ಟ್ರಾನ್ಸ್ಪ್ಲಾಂಟ್ ಮಾಡಲಾಗಿತ್ತು. ಈ ಚಿಕಿತ್ಸೆ ಪಡೆದ ರೋಗಿಗಳಲ್ಲಿ ವೇಗವಾಗಿ ಹೆಚ್ಐವಿ ಕಡಿಮೆಯಾಗಿತ್ತು. ಅಲ್ಲದೆ ನಂತರ ಅವರಲ್ಲಿ ಸೋಂಕು ಪತ್ತೆಯಾಗಿರಲಿಲ್ಲ. ಆದ್ರೆ ಹೆಚ್ಐವಿ ಪೀಡಿತರ ದೇಹದ ರೋಗ ನಿರೋಧಕ ಶಕ್ತಿಯೇ ಸೋಂಕನ್ನು ಮಟ್ಟ ಹಾಕಿರೋದು ಇದೇ ಮೊದಲು. ಆದ್ರೆ ಹೆಚ್ಐವಿ ವಿಚಾರದಲ್ಲಿ ಸೋಂಕು ಪೀಡಿತರ ಹೆಸರು ಪ್ರಕಟಿಸೋದಿಲ್ಲ.. ಹೀಗಾಗಿ ವೈದ್ಯರು ಮತ್ತು ವಿಜ್ಞಾನಿಗಳು ಈ ರೋಗಿಗೆ EC1 ಮತ್ತು EC2 ಎಂದು ಹೆಸರಿಟ್ಟಿದ್ಧಾರೆ.
-masthmagaa.com
Contact Us for Advertisement