masthmagaa.com:
ರಷ್ಯಾದ ‘ಸ್ಪುಟ್ನಿಕ್-V’ ಲಸಿಕೆ ಉತ್ಪಾದನೆಗೆ ಸಂಬಂಧಿಸಿದಂತೆ ರಷ್ಯನ್ ಡೈರೆಕ್ಟ್ ಇನ್ವೆಸ್ಟ್ಮೆಂಟ್ ಫಂಡ್ (RDIF) ಮತ್ತು ಹೈದರಾಬಾದ್ ಮೂಲದ ಹೆಟೆರೋ ಡ್ರಗ್ಸ್ ಕಂಪನಿ ಒಪ್ಪಂದ ಮಾಡಿಕೊಂಡಿವೆ. ಇದರ ಪ್ರಕಾರ ಒಂದು ವರ್ಷದಲ್ಲಿ ಹೆಟೆರೋ ಕಂಪನಿಯು ಭಾರತದಲ್ಲಿ ‘ಸ್ಪುಟ್ನಿಕ್-V’ ಲಸಿಕೆಯ 10 ಕೋಟಿ ಡೋಸ್ಗಳನ್ನ ಉತ್ಪಾದನೆ ಮಾಡಬಹುದು. 2021ರ ಆರಂಭದಲ್ಲಿ ಈ ಲಸಿಕೆಯ ಉತ್ಪಾದನೆ ಶುರುವಾಗಲಿದೆ ಅಂತ RDIF ಹೇಳಿದೆ.
ಹೆಟೆರೋ ಕಂಪನಿ ಉತ್ಪಾದನೆ ಮಾಡುವ ‘ಸ್ಪುಟ್ನಿಕ್-V’ ಲಸಿಕೆಯ ಮಾನವ ಪ್ರಯೋಗ ಮತ್ತು ಪೂರೈಕೆ ಜವಾಬ್ದಾರಿಯನ್ನ ಭಾರತದಲ್ಲಿ ಡಾ. ರೆಡ್ಡೀಸ್ ಲ್ಯಾಬೊರೇಟರೀಸ್ ನೋಡಿಕೊಳ್ಳುತ್ತದೆ. ಲಸಿಕೆಯ ಮಾನವ ಪ್ರಯೋಗಕ್ಕೆ ಡ್ರಗ್ ಕಂಟ್ರೋಲರ್ ಜನರಲ್ ಆಫ್ ಇಂಡಿಯಾ ಅನುಮತಿ ಕೊಡಬೇಕು. ಅದರ ಬಳಿಕವೇ ಲಸಿಕೆ ಪ್ರಯೋಗ ಆರಂಭವಾಗುತ್ತೆ. ಅಂದ್ಹಾಗೆ ಹೆಟೆರೋ ಮತ್ತು ಡಾ. ರೆಡ್ಡೀಸ್ ಲ್ಯಾಬೊರೇಟರೀಸ್ ಎರಡೂ ಕೂಡ ಹೈದರಾಬಾದ್ ಮೂಲದ ಕಂಪನಿಗಳಾಗಿವೆ.
ಅಂದ್ಹಾಗೆ ರಷ್ಯಾದ ‘ಸ್ಪುಟ್ನಿಕ್-V’ ಲಸಿಕೆ 95% ಪರಿಣಾಮಕಾರಿ ಅಂತ ಇತ್ತೀಚೆಗೆ ಕಂಪನಿ ಘೋಷಿಸಿಕೊಂಡಿತ್ತು. ಇದನ್ನ ಗಮಲೇ ಇನ್ಸ್ಟಿಟ್ಯೂಟ್ ಮತ್ತು RDIF ಸೇರಿ ಅಭಿವೃದ್ಧಿಪಡಿಸಿವೆ.
-masthmagaa.com
Contact Us for Advertisement