masthmagaa.com:
ಜಪಾನ್: ಕೊರೋನಾ ವೈರಸ್ ಹಿನ್ನೆಲೆಯಲ್ಲಿ ಜಗತ್ತಿನ ಹಲವು ದೇಶಗಳು ಲಾಕ್ಡೌನ್ ಹೇರಿದ್ದರೂ ಜಪಾನ್ ಮಾತ್ರ ಇನ್ನೂ ಲಾಕ್ಡೌನ್ ಹೇರಿಲ್ಲ. ಕೇವಲ ತುರ್ತು ಪರಿಸ್ಥಿತಿ ಹೇರಿ, ಎಲ್ಲರೂ ಮನೆಯಲ್ಲೇ ಇರುವಂತೆ ಪ್ರಧಾನಿ ಶಿಂಜೋ ಅಬೆ ಮನವಿ ಮಾಡಿಕೊಂಡಿದ್ದಾರೆ. ಅಲ್ಲದೆ ತಾವು ಸೋಫಾ ಮೇಲೆ ಕುಳಿತು, ನಾಯಿ ಹಿಡಿದುಕೊಂಡಿರುವ, ಟೀ ಕುಡಿಯುತ್ತಿರುವ, ಪುಸ್ತಕ ಓದುತ್ತಿರುವ ವಿಡಿಯೋವೊಂದನ್ನು ಶೇರ್ ಮಾಡಿದ್ದಾರೆ. ಆದ್ರೆ ಈ ವಿಡಿಯೋಗೆ ಟ್ವಿಟ್ಟರ್ನಲ್ಲಿ ಭಾರಿ ವಿರೋಧ ವ್ಯಕ್ತವಾಗಿದೆ. ದೇಶ ಕೊರೋನಾ ವಿರುದ್ಧ ಹೋರಾಡುತ್ತಿರುವ ಈ ಹೊತ್ತಲ್ಲಿ ಈ ರೀತಿ ಐಷಾರಾಮದ ಪ್ರದರ್ಶನದ ಅಗತ್ಯವಿದೆಯಾ ಎಂದು ನೆಟ್ಟಿಗರು ಕಿಡಿಕಾರಿದ್ದಾರೆ. ಜೊತೆಗೆ ನೀವು ಯಾರೆಂದು ಭಾವಿಸಿದ್ದೀರಿ ಎಂದು ಪ್ರಶ್ನಿಸಿದ್ದಾರೆ.
-masthmagaa.com