-masthmagaa.com:
ಇಡೀ ದೇಶದಾದ್ಯಂತ ಲಾಕ್ಡೌನ್ ಹೇರಿದ್ದರೂ ಜನ ಮಾತ್ರ ತಮ್ಮ ತಮ್ಮ ಊರುಗಳಿಗೆ ಹೋಗೋದ್ರಲ್ಲೇ ಬ್ಯುಸಿಯಾಗಿದ್ದಾರೆ. ರಾಜ್ಯ ರಾಜಧಾನಿ ಮಾತ್ರವಲ್ಲ ರಾಷ್ಟ್ರ ರಾಜಧಾನಿಯಲ್ಲೂ ಪರಿಸ್ಥಿತಿ ಭಿನ್ನವಾಗಿಲ್ಲ. ಇದರ ನಡುವೆ ತಾನು ಫ್ರೆಂಡ್ ಮನೆಗೆ ಹೋಗಬಹುದಾ ಅಂತ ವ್ಯಕ್ತಿಯೊಬ್ಬರು ಕೇಳಿದ ಪ್ರಶ್ನೆಗೆ ದೆಹಲಿ ಪೊಲೀಸರು ಕೊಟ್ಟ ಉತ್ತರ ನೆಟ್ಟಿಗರ ಹೃದಯ ಗೆದ್ದಿದೆ.
ಅಂದ್ಹಾಗೆ ದೀಪಕ್ ಎಂಬ ವ್ಯಕ್ತಿ ಟ್ವಿಟ್ಟರ್ನಲ್ಲಿ, ‘ಸರ್, ನಾನು 2 ಕಿಲೋ ಮೀಟರ್ ದೂರದಲ್ಲಿರೋ ಸ್ನೇಹಿತರ ಮನೆಗೆ ಹೋಗಬಹುದಾ..?’ ಅಂತ ದೆಹಲಿ ಪೊಲೀಸರಿಗೆ ಕೇಳಿದ್ದಾನೆ. ಇದಕ್ಕೆ ಟ್ವಿಟ್ಟರ್ನಲ್ಲೇ ಉತ್ತರ ನೀಡಿದ ಪೊಲೀಸರು, ‘ನೀವು ನಿಜವಾದ ಸ್ನೇಹಿತರೇ ಆಗಿದ್ದರೆ ಮನೆಯಲ್ಲೇ ಇರಿ. ಅವರ ಮನೆಗೆ ಹೋಗೋ ಬದಲು ವಿಡಿಯೋ ಕಾಲ್ ಮಾಡಿ’ ಎಂದಿದ್ದಾರೆ.
ದೆಹಲಿ ಪೊಲೀಸರ ಉತ್ತರಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದ್ದು, ಅದ್ಭುತ ಪ್ರತಿಕ್ರಿಯೆ ಅಂತ ಕಾಮೆಂಟ್ ಮಾಡಿದ್ದಾರೆ.
-masthmagaa.com
Contact Us for Advertisement