ಭೀಕರ ಸ್ಫೋಟ ಮಾಸುವ ಮುನ್ನವೇ ಬೀರುಟ್​ನಲ್ಲಿ ಮತ್ತೊಂದು ಅವಘಡ

masthmagaa.com:

ಇತ್ತೀಚೆಗೆ ಲೆಬನಾನ್ ರಾಜಧಾನಿ ಬೀರುಟ್​​ನಲ್ಲಿ ಸಂಗ್ರಹಿಸಿಟ್ಟಿದ್ದ ಅಮೋನಿಯಂ ನೈಟ್ರೇಟ್​ ಸ್ಫೋಟವಾಗಿ 190 ಜನ ಮೃತಪಟ್ಟಿದ್ದರು. ಸುತ್ತಮುತ್ತಲ ಕಟ್ಟಡ, ವಾಹನಗಳಿಗೆ ಸಾಕಷ್ಟು ಹಾನಿಯಾಗಿತ್ತು. ಅದಾಗಿ ಒಂದು ತಿಂಗಳು ಕಳೆಯುವಷ್ಟರಲ್ಲೇ ಅದೇ ಬೀರುಟ್​ನ, ಅಂದು ಸ್ಫೋಟ ಸಂಭವಿಸಿದ ಸ್ಥಳದ ಪಕ್ಕದಲ್ಲೇ ಭಾರಿ ಬೆಂಕಿ ಕಾಣಿಸಿಕೊಂಡಿದೆ. ಬೆಂಕಿ ಅವಘಡಕ್ಕೆ ಕಾರಣವೇನು ಅನ್ನೋದು ಇನ್ನೂ ಸ್ಪಷ್ಟವಾಗಿಲ್ಲ. ಸದ್ಯ ಅಗ್ನಿ ಶಾಮಕ ಸಿಬ್ಬಂದಿ ಬೆಂಕಿಯನ್ನು ನಂದಿಸಲು ಹರಸಾಹಸ ಪಡುತ್ತಿದ್ದಾರೆ.

Insane fire at the port, causing a panic all across #Beirut. We just can’t catch a break. pic.twitter.com/PtdHehPlz0

— Aya Majzoub (@Aya_Majzoub) September 10, 2020

ಆಗಸ್ಟ್ 4ರಂದು ಇದೇ ಜಾಗದಲ್ಲಿ ಭಾರಿ ಪ್ರಮಾಣದಲ್ಲಿ ಸಂಗ್ರಹಿಸಿಟ್ಟಿದ್ದ ಅಮೋನಿಯಂ ನೈಟ್ರೇಟ್ ಸ್ಫೋಟಗೊಂಡಿತ್ತು. ಪರಮಾಣು ಬಾಂಬ್​ನಂತಹ ಸ್ಫೋಟದ ತೀವ್ರತೆ ಇಡೀ ಬೀರುಟ್ ನಗರ ನಲುಗಿತ್ತು. ಸುತ್ತಮುತ್ತಲ ಹಲವು ಕಟ್ಟಡಗಳಿಗೆ ಹಾನಿಯಾಗಿತ್ತುಮ, ಸಾವಿರಾರು ವಾಹನಗಳು ಜಖಂ ಆಗಿದ್ದವು. ಸುಮಾರು 3 ಲಕ್ಷ ಮನೆಗಳನ್ನ ಕಳೆದುಕೊಂಡಿದ್ದರು.

-masthmagaa.com