masthmagaa.com:
ಫ್ರಾನ್ಸ್ನಿಂದ ಭಾರತ ಖರೀದಿಸಿದ ಮೊದಲ ಬ್ಯಾಚ್ನ 5 ರಫೇಲ್ ಫೈಟರ್ ಜೆಟ್ಗಳು ಇವತ್ತು ಅಧಿಕೃತವಾಗಿ ಭಾರತೀಯ ವಾಯಸೇನೆಗೆ ಸೇರ್ಪಡೆಗೊಂಡಿವೆ. ಹರಿಯಾಣದ ಅಂಬಾಲಾ ವಾಯುನೆಲೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರಕ್ಷಣಾ ಸಚಿವ ರಾಜ್ನಾಥ್ ಸಿಂಗ್, ಫ್ರಾನ್ಸ್ನ ಸಶಸ್ತ್ರ ಪಡೆಗಳ ಸಚಿವೆ ಫ್ಲಾರೆನ್ಸ್ ಪಾರ್ಲಿ, ಸಿಡಿಎಸ್ ಬಿಪಿನ್ ರಾವತ್, ವಾಯುಸೇನಾ ಮುಖ್ಯಸ್ಥ ಆರ್.ಕೆ.ಎಸ್. ಭದೌರಿಯಾ ಸೇರಿ ಹಲವರು ಭಾಗವಹಿಸಿದ್ದರು.
ಈ ವೇಳೆ ಮಾತನಾಡಿದ ರಾಜ್ನಾಥ್ ಸಿಂಗ್ ಗಡಿಯಲ್ಲಿ ಭಾರತದ ಜೊತೆ ಕಿರಿಕ್ ಮಾಡ್ತಿರುವ ಚೀನಾ ಮತ್ತು ಪಾಕಿಸ್ತಾನಕ್ಕೆ ಖಡಕ್ ಎಚ್ಚರಿಕೆ ಕೊಟ್ಟಿದ್ದಾರೆ. ‘ರಫೇಲ್ ಯುದ್ಧ ವಿಮಾನಗಳ ಸೇರ್ಪಡೆ ಇಡೀ ವಿಶ್ವಕ್ಕೆ ವಿಶೇಷವಾಗಿ ಭಾರತದ ಸಾರ್ವಭೌಮತ್ವಕ್ಕೆ ಧಕ್ಕೆ ತರಲು ಪ್ರಯತ್ನಿಸುತ್ತಿರುವ ದೇಶಗಳಿಗೆ (ಚೀನಾ ಮತ್ತು ಪಾಕಿಸ್ತಾನ) ಒಂದು ದೊಡ್ಡ ಮತ್ತು ಕಠಿಣ ಸಂದೇಶವಾಗಿದೆ. ಗಡಿಯಲ್ಲಿ ಕೆಲವರು ಸೃಷ್ಟಿಸಿರುವ ಬಿಗುವಿನ ವಾತಾವರಣ ಸಂದರ್ಭದಲ್ಲೇ ರಫೇಲ್ ಫೈಟರ್ ಜೆಟ್ಗಳ ಸೇರ್ಪಡೆಯಾಗ್ತಿರೋದು ತುಂಬಾ ಮುಖ್ಯವಾದುದು’ ಅಂತ ಹೇಳಿದ್ದಾರೆ.
-masthmagaa.com