masthmagaa.com:
ಕೊರೋನಾ ವೈರಸ್ಗೆ ‘ಸ್ಪುಟ್ನಿಕ್-V’ ಲಸಿಕೆ ಅಭಿವೃದ್ಧಿಪಡಿಸಿರುವ ರಷ್ಯಾ ಇದೀಗ ಮತ್ತೊಂದು ಲಸಿಕೆಯ ಮಾನವ ಪ್ರಯೋಗಕ್ಕೆ ಪ್ಲಾನ್ ಮಾಡ್ತಿದೆ. ಇದರ ಹೆಸರು ‘ಎಪಿವ್ಯಾಕ್ಕೊರೋನಾ’ (EpiVacCorona) ಅಂತ. ಈ ಲಸಿಕೆಯನ್ನ ಸೈಬಿರಿಯಾದ ವೆಕ್ಟರ್ ಇನ್ಸ್ಟಿಟ್ಯೂಟ್ ಅಭಿವೃದ್ಧಿಪಡಿಸಿದೆ. 18 ವರ್ಷ ಮೇಲ್ಪಟ್ಟ 3,000 ಸ್ವಯಂಸೇವಕರು ಮತ್ತು 60 ವರ್ಷ ಮೇಲ್ಪಟ್ಟ 150 ಸ್ವಯಂಸೇವಕರ ಮೇಲೆ ಈ ಲಸಿಕೆಯ ಪ್ರಯೋಗ ನಡೆಸಲು ರಷ್ಯಾ ಸರ್ಕಾರ ಅನುಮತಿ ಕೊಟ್ಟಿದೆ. ರಷ್ಯಾದಲ್ಲಿ ಸೆಪ್ಟೆಂಬರ್ನಿಂದ ಕೊರೋನಾ ಸೋಂಕಿತರ ಸಂಖ್ಯೆ ಹೆಚ್ಚಾಗಿದೆ. ಇಂತಹ ಸಂದರ್ಭದಲ್ಲೇ ಎರಡನೇ ಲಸಿಕೆಯ ಮಾನವ ಪ್ರಯೋಗಕ್ಕೆ ಮುಂದಾಗಿರೋದು ಗಮನಾರ್ಹ. ರಷ್ಯಾದ ಮೊದಲ ಲಸಿಕೆಯಾಗಿರುವ ‘ಸ್ಪುಟ್ನಿಕ್-V’ ಶೇ. 92ರಷ್ಟು ಪರಿಣಾಮಕಾರಿ ಅಂತ ಇತ್ತೀಚೆಗೆ ಕಂಪನಿ ಘೋಷಣೆ ಮಾಡಿತ್ತು.
-masthmagaa.com
Contact Us for Advertisement