masthmagaa.com:
ಕೊರೋನಾ ಸೋಂಕು ಹರಡುವುದನ್ನ ತಡೆಗಟ್ಟಲು ನಿರ್ಮಾಣ ಮಾಡಿರುವ ಸೋಂಕು ನಿವಾರಕ ‘ಕೊರೋನಾ ಸುರಂಗ’ ಅಥವಾ ಡಿಸ್ಇನ್ಫೆಕ್ಷನ್ ಟನಲ್, ಹೊಗೆ ಹಾಕುವುದು, ಅತಿ ನೇರಳೆ ಕಿರಣಗಳನ್ನು (Ultraviolet Rays) ಹಾಯಿಸುವುದನ್ನ ಒಂದು ತಿಂಗಳೊಳಗೆ ನಿಷೇಧಿಸಬೇಕು ಅಂತ ಸುಪ್ರೀಂಕೋರ್ಟ್ ಕೇಂದ್ರ ಸರ್ಕಾರಕ್ಕೆ ಸೂಚಿಸಿದೆ.
ಅಂದ್ಹಾಗೆ ಕೊರೋನಾ ಸುರಂಗಗಳ ಬಳಕೆಯಿಂದ ಮತ್ತು ಅಲ್ಟ್ರಾವೈಲೆಟ್ ಕಿರಣಗಳನ್ನ ಹಾಯಿಸುವುದರಿಂದ ಮನುಷ್ಯನ ಆರೋಗ್ಯದ ಮೇಲೆ ಅಡ್ಡ ಪರಿಣಾಮ ಬೀರುವ ಸಾಧ್ಯತೆ ಇರುತ್ತೆ ಅಂತ ವಿಶ್ವ ಆರೋಗ್ಯ ಸಂಸ್ಥೆ ಸೇರಿದಂತೆ ವಿಜ್ಞಾನಿಗಳು ಎಚ್ಚರಿಸಿದ್ದಾರೆ. ಹೀಗಾಗಿ ಗುರುಸಿಮ್ರನ್ ಸಿಂಗ್ ಎಂಬ ಕಾನಾನು ವಿದ್ಯಾರ್ಥಿ ಸುಪ್ರೀಂಕೋರ್ಟ್ಗೆ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು (Public Interest Litigation-PIL) ಸಲ್ಲಿಸಿದ್ರು. ಅರ್ಜಿಯಲ್ಲಿ ಇವುಗಳ ಬಳಕೆ, ಜಾಹೀರಾತು, ಅಳವಡಿಕೆಯನ್ನ ಸಂಪೂರ್ಣವಾಗಿ ಬ್ಯಾನ್ ಮಾಡಲು ನಿರ್ದೇಶಿಸಬೇಕು ಅಂತ ಮನವಿ ಮಾಡಲಾಗಿತ್ತು. ಅರ್ಜಿಯ ವಿಚಾರಣೆ ನಡೆಸಿದ ಕೋರ್ಟ್ ಒಂದು ತಿಂಗಳೊಳಗಾಗಿ ಇವುಗಳನ್ನ ಬ್ಯಾನ್ ಮಾಡಲು ಕ್ರಮ ಕೈಗೊಳ್ಳಿ ಅಂತ ಕೇಂದ್ರ ಸರ್ಕಾರಕ್ಕೆ ಸೂಚನೆ ನೀಡಿದೆ.
-masthmagaa.com
Contact Us for Advertisement