masthmagaa.com:
ಇಂಗ್ಲೆಂಡ್ ಪ್ರಧಾನಿ ಬೋರಿಸ್ ಜಾನ್ಸನ್ ಪ್ರಿಯತಮೆಯ ಮಗುವಿಗೆ ತನ್ನ ಜೀವ ಉಳಿಸಿದ ವೈದ್ಯರ ಹೆಸರಿಟ್ಟಿದ್ದಾರೆ. ಬೋರಿಸ್ ಜಾನ್ಸನ್ ಇತ್ತೀಚೆಗಷ್ಟೇ ಕೊರೋನಾಗೆ ತುತ್ತಾಗಿ, ಐಸಿಯುನಲ್ಲಿ ಚಿಕಿತ್ಸೆ ಪಡೆದು ಗುಣಮುಖರಾಗಿದ್ದರು. ಈ ನಡುವೆ ಅವರ ಪ್ರಿಯತಮೆ ಕ್ಯಾರಿ ಸೈಮಂಡ್ಸ್ ಗಂಡು ಮಗುವಿಗೆ ಜನ್ಮ ನೀಡಿದ್ದರು. ಇದೀಗ ಆ ಮಗುವಿಗೆ ವಿಲ್ಫ್ರೆಡ್ ಲೌರಿ ನಿಕೋಲಸ್ ಜಾನ್ಸನ್ ಎಂದು ಹೆಸರಿಡಲಾಗಿದೆ.
ಇದರಲ್ಲಿ ವಿಲ್ಫ್ರೆಡ್ ಬೋರಿಸ್ ಜಾನ್ಸನ್ ಅವರ ತಾತನ ಹೆಸರು.. ಅದೇ ರೀತಿ ಲೌರಿ, ಕ್ಯಾರಿ ಸೈಮಂಡ್ಸ್ ಅವರ ಅಜ್ಜನ ಹೆಸರು.. ಇನ್ನು ಡಾ. ನಿಕ್ ಪ್ರೈಸ್ ಮತ್ತು ಡಾ.ನಿಕ್ ಹರ್ಟ್ ಎಂಬ ವೈದ್ಯರು ಬೋರಿಸ್ ಜಾನ್ಸನ್ ಅವರು ಆಸ್ಪತ್ರೆಯಲ್ಲಿದ್ದಾಗ ಚಿಕಿತ್ಸೆ ನೀಡಿದ್ದರು. ಹೀಗಾಗಿ ನಿಕೋಲಸ್ ಅಂತ ಹೆಸರಿಡಲಾಗಿದೆ.
ಒಟ್ಟಾಗಿ ವಿಲ್ಫ್ರೆಡ್ ಲೌರಿ ನಿಕೋಲಸ್ ಜಾನ್ಸನ್ ಎಂದು ಹೆಸರಿಟ್ಟಿದ್ದೇವೆ ಅಂತ ಕ್ಯಾರಿ ಸೈಮಂಡ್ಸ್ ಇನ್ಸ್ಟಾಗ್ರಾಂನಲ್ಲಿ ಮಾಹಿತಿ ನೀಡಿದ್ದಾರೆ. ಜೊತೆಗೆ ತನಗೆ ಡೆಲಿವರಿ ಮಾಡಿದ ಆಸ್ಪತ್ರೆ ಮತ್ತು ವೈದ್ಯರಿಗೂ ತುಂಬು ಹೃದಯದ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ.
-masthmagaa.com
Contact Us for Advertisement
