masthmagaa.com:
ಅಮೆರಿಕ: ಮಾಡರ್ನಾ ಲಸಿಕೆಯ ತುರ್ತು ಬಳಕೆಗೆ ಅಮೆರಿಕದ ಆಹಾರ ಮತ್ತು ಔಷಧ ಆಡಳಿತ(ಎಫ್ಡಿಎ) ಗ್ರೀನ್ ಸಿಗ್ನಲ್ ನೀಡಿದೆ. ಈ ಮೂಲಕ ಅಮೆರಿಕದಲ್ಲಿ ಬಳಕೆಗೆ ಅನುಮತಿ ಪಡೆದ ಎರಡನೇ ಲಸಿಕೆ ಇದಾಗಿದೆ. ಆರ್ಎನ್ಎ ಮೆಸೆಂಜರ್ ಟೆಕ್ನಾಲಜಿ ಆಧರಿಸಿ ಅಭಿವೃದ್ಧಿಪಡಿಸಿರುವ ಲಸಿಕೆ ಇದಾಗಿದೆ. ಆರ್ಎನ್ಎ ಮೆಸೆಂಜರ್ ಅಂದ್ರೆ ಕೊರೋನಾ ದೇಹ ಪ್ರವೇಶಿಸಿದ್ರೆ ಅದಕ್ಕೆ ವಿರುದ್ಧವಾಗಿ ಪ್ರೊಟೀನ್ ಉತ್ಪಾದನೆ ಮಾಡುವಂತೆ ಜೀವಕೋಶಕ್ಕೆ ಸಂದೇಶ ರವಾನಿಸುತ್ತೆ. ಇದ್ರಿಂದ ಕೊರೋನಾದ ವಿರುದ್ಧ ಹೋರಾಡಲು ಜೀವಕೋಶಗಳಿಗೆ ಸಾಧ್ಯವಾಗುತ್ತೆ.
ಮುಂದಿನ ವಾರಾಂತ್ಯದಲ್ಲಿ 59 ಲಕ್ಷ ಡೋಸ್ ಲಸಿಕೆ ಉತ್ಪಾದಿಸಿ ಹಂಚುವ ಪ್ಲಾನ್ ಮಾಡಿಕೊಳ್ಳಲಾಗಿದೆ. ಈ ಲಸಿಕೆಯನ್ನು 30 ಸಾವಿರ ಜನರ ಮೇಲೆ ಪ್ರಯೋಗಿಸಲಾಗಿತ್ತು. ಇದರಲ್ಲಿ ಲಸಿಕೆ ಶೇ.95ರಷ್ಟು ಪ್ರಭಾವಶಾಲಿಯಾಗಿದೆ ಅಂತ ಸಂಸ್ಥೆ ಹೇಳಿಕೊಂಡಿತ್ತು.
ಇದಕ್ಕೂ ಮುನ್ನ ಫೈಜರ್ ಮತ್ತು ಬಿಯೋನ್ಟೆಕ್ ಅಭಿವೃದ್ಧಿಪಡಿಸಿದ್ದ ಲಸಿಕೆಗೆ ಅಮೆರಿಕದಲ್ಲಿ ಗ್ರೀನ್ ಸಿಗ್ನಲ್ ನೀಡಲಾಗಿತ್ತು. ಅಲ್ಲದೆ ಈ ವಾರ ಸಾವಿರಾರು ಆರೋಗ್ಯ ಕಾರ್ಯಕರ್ತರಿಗೆ ಲಸಿಕೆಯನ್ನು ವಿತರಣೆ ಕೂಡ ಮಾಡಲಾಗಿದೆ.
-masthmagaa.com
Contact Us for Advertisement