masthmagaa.com:
ದೆಹಲಿ: ಒಂದ್ಕಡೆ ಚೀನಾ ಮತ್ತೊಂದ್ಕಡೆ ಪಾಕಿಸ್ತಾನ ಭಾರತಕ್ಕೆ ಕಿರಿಕಿರಿ ಮಾಡ್ತಾನೇ ಇವೆ.. ಹೀಗಾಗಿ ಭಾರತ ತನ್ನ ಸೇನಾಬಲವನ್ನು ಹೆಚ್ಚಿಸಿಕೊಳ್ಳಲು ಯತ್ನಿಸುತ್ತಲೇ ಇದೆ. ಅದ್ರ ಭಾಗವಾಗಿಯೇ ರಷ್ಯಾದಿಂದ 33 ಯುದ್ಧ ವಿಮಾನಗಳ ಖರೀದಿಗೆ ಮುಂದಾಗಿದೆ. 21 ಮಿಗ್-29 ಮತ್ತು 12 ಸುಖೋಯ್-30ಎಂಕೆಐ ಖರೀದಿಗೆ ಸಿದ್ಧತೆ ನಡೆಸಿದೆ. ಕಳೆದ ವಾರವಷ್ಟೇ ರಕ್ಷಣೆಗೆ ಸಂಬಂಧಿಸಿದ ಸಂಪುಟ ಸಮಿತಿ ಹೆಚ್ಎಎಲ್ನಿಂದ 83 ತೇಜಸ್ ಯುದ್ಧ ವಿಮಾನಗಳ ಖರೀದಿಗೆ ಗ್ರೀನ್ ಸಿಗ್ನಲ್ ನೀಡಿತ್ತು. ಇದೀಗ ರಷ್ಯಾದ ಸರ್ಕಾರಿ ಸಂಸ್ಥೆಯಾದ ರೊಸೊಬೊರೊನೆಕ್ಸ್ಪೋರ್ಟ್ನಿಂದ 7,418 ಕೋಟಿ ರೂಪಾಯಿಗೆ ಮಿಗ್-29 , ಮತ್ತು 10,730 ಕೋಟಿ ರೂಪಾಯಿಗೆ ಸುಖೋಯ್-30 ವಿಮಾನಗಳ ಖರೀದಿಗೆ ಮುಂದಾಗಿದೆ. ಅಷ್ಟೇ ಅಲ್ಲ.. ಮುಂದಿನ ದಿನಗಳಲ್ಲಿ ವಾಯುಪಡೆಗೆ ಮತ್ತೂ 114 ಫೈಟರ್ಜೆಟ್ಗಳನ್ನು ಖರೀದಿಸಲು ಐಎಎಫ್ ಪ್ಲಾನ್ ಹಾಕ್ಕೊಂಡಿದೆ. ಈಗಾಗಲೇ 36 ರಫೇಲ್ ಖರೀದಿಗೆ ಒಪ್ಪಂದ ಆಗಿದ್ರೂ ಕೂಡ ರಫೇಲ್ ಜೊತೆಗೆ ಉಳಿದ ಯಾವ ವಿಮಾನಗಳು ಈ 114 ಫೈಟರ್ಜೆಟ್ಗಳ ಪಟ್ಟಿಯಲ್ಲಿ ಬರುತ್ತೆ ಅಂತ ಕಾದು ನೋಡಬೇಕು. ಅಂದಹಾಗೆ ಈ 11 ಪೈಟರ್ಜೆಟ್ಗಳನ್ನು ವಿದೇಶಗಳಿಂದ ತರಿಸೋ ಬದಲು ದೇಶದಲ್ಲೇ ಸ್ಟ್ರಾಟಜಿಕ್ ಪಾರ್ಟನರ್ ಶಿಪ್ ಮೂಲಕ ಉತ್ಪಾದಿಸಲು ನಿರ್ಧರಿಸಲಾಗಿದೆ.
-masthmagaa.com
Contact Us for Advertisement