masthmagaa.com:
ಭಾರತದಲ್ಲಿ 18 ಸಾವಿರ ಕೊರೋನಾ ವೈರಸ್ ಪೀಡಿತರು ಪತ್ತೆಯಾಗಿದ್ದಾರೆ. ಕಳೆದ ದಿನಗಳಲ್ಲಿ 4 ಲಕ್ಷಕ್ಕೂ ಅಧಿಕ ಜನರ ಟೆಸ್ಟಿಂಗ್ ನಡೆದಿದೆ. ಟೆಸ್ಟ್ ಪಾಸಿಟಿವಿಟಿ ರೇಟ್ ಗಮನಿಸಿದ್ರೆ ಭಾರತ ಕೊರೋನಾ ವೈರಸ್ನ್ನು ನಿಯಂತ್ರಿಸಿದೆ ಅನ್ನೋ ವಿಚಾರ ಗೊತ್ತಾಗುತ್ತೆ.
ಐಸಿಎಂಆರ್ ಪ್ರಕಾರ ದೇಶದಲ್ಲಿ ಕೊರೋನಾ ಪರೀಕ್ಷೆಗೆ ಒಳಪಟ್ಟ 23 ಜನರಲ್ಲಿ ಒಬ್ಬರಿಗೆ ಕೊರೋನಾ ಇರೋದು ಪತ್ತೆಯಾಗ್ತಿದೆ. ಉಳಿದ 22 ಮಂದಿಯ ವರದಿ ನೆಗೆಟಿವ್ ಬರುತ್ತಿದೆ. ಅಂದ್ರೆ ಟೆಸ್ಟ್ ಪಾಸಿಟಿವಿಟಿ ರೇಟ್ ಶೇ.4ರಷ್ಟಿದೆ. ಇದು ಜಗತ್ತಿನ ಕೊರೋನಾ ಪೀಡಿತ ದೇಶಗಳಿಗೆ ಹೋಲಿಸಿದ್ರೆ ತುಂಬಾ ಕಡಿಮೆ ಪ್ರಮಾಣವಾಗಿದೆ. ಆದ್ರೆ ದಕ್ಷಿಣ ಕೊರಿಯಾದಲ್ಲಿ ಟೆಸ್ಟ್ ಪಾಸಿಟಿವಿಟಿ ರೇಟ್ ಶೇ.1.9ರಷ್ಟಿದ್ದು, ಕೊರೋನಾ ನಿಯಂತ್ರಿಸಿದ ದೇಶಗಳ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ.
ಇನ್ನುಳಿದಂತೆ ಬ್ರೆಜಿಲ್‌ ಶೇ. 6.4, ಜರ್ಮನಿ ಶೇ. 7.7, ಜಪಾನ್ ಶೇ. 8.8, ಇಟಲಿ ಶೇ. 13.2, ಸ್ಪೇನ್ ಶೇ. 18.2, ಅಮೆರಿಕ ಶೇ. 19.3ರಷ್ಟು ಟೆಸ್ಟ್ ಪಾಸಿಟಿವಿಟಿ ರೇಟ್ ಹೊಂದಿವೆ.
-masthmagaa.com
Contact Us for Advertisement