masthmagaa.com:
ಥೈಲ್ಯಾಂಡ್ಗೆ ಭೇಟಿ ನೀಡಿರೋ 10.6 ಕೋಟಿಗೂ ಅಧಿಕ ಪ್ರಯಾಣಿಕರ ವೈಯಕ್ತಿಕ ದಾಖಲೆ ಅನ್ಲೈನ್ನಲ್ಲಿ ಸೋರಿಕೆಯಾಗಿದೆ. ಬ್ರಿಟನ್ ಮೂಲದ ಕನ್ಸ್ಯೂಮರ್ ಸೆಕ್ಯೂರಿಟಿ ಕಂಪನಿ ಕಂಪ್ಯಾರಿಟೆಕ್ ಸಂಸ್ಥೆ ತನ್ನ ವರದಿಯಲ್ಲಿ ಈ ಬಗ್ಗೆ ತಿಳಿಸಿದೆ. ತನ್ನ ಸೈಬರ್ ಸೆಕ್ಯೂರಿಟಿ ರಿಸರ್ಚ್ನ ಮುಖ್ಯಸ್ಥ ಬಾಬ್ ಡಿಯಾಚೆಂಕೋ ಆಗಸ್ಟ್ನಲ್ಲಿ ದಾಖಲೆಗಳನ್ನು ಪತ್ತೆಹಚ್ಚಿದ್ದು, ಅದ್ರಲ್ಲಿ ಥೈಲ್ಯಾಂಡ್ಗೆ ಹೋದ ಪ್ರಯಾಣಿಕರ ವೈಯಕ್ತಿಕ ದಾಖಲೆಗಳಿವೆ. ಹೆಸರು, ಪಾಸ್ಪೋರ್ಟ್ ನಂಬರ್, ಮನೆ ವಿಳಾಸ.. ಹೀಗೆ ಕೆಲವೊಂದು ಮಾಹಿತಿಗಳು ಇದ್ರಲ್ಲಿವೆ. 2011ರಲ್ಲಿ ತಾನು ಥೈಲ್ಯಾಂಡ್ಗೆ ಭೇಟಿ ನೀಡಿದ್ದ ದಾಖಲೆ ಕೂಡ ಪತ್ತೆಯಾಗಿದೆ ಅಂತ ಬಾಬ್ ಡಿಯಾಚೆಂಕೋ ತಿಳಿಸಿದ್ದಾರೆ. ಆದ್ರೆ ಈ ಬಗ್ಗೆ ಪ್ರತಿಕ್ರಿಯಿಸಿರೋ ಥೈಲ್ಯಾಂಡ್ ಸೈಬರ್ ಕ್ರೈಂ ಇನ್ವೆಸ್ಟಿಗೇಷನ್ ಬ್ಯೂರೋ, ಈ ಬಗ್ಗೆ ನಮಗೆ ಮಾಹಿತಿ ಇಲ್ಲ. ಈ ಬಗ್ಗೆ ತನಿಖೆ ನಡೆಸ್ತಿದ್ದೀವಿ ಅಂತ ಹೇಳಿದ್ದಾರೆ. ಅಂದಹಾಗೆ ಥೈಲ್ಯಾಂಡ್ನಲ್ಲಿ ಸೈಬರ್ ಸೆಕ್ಯೂರಿಟಿ ಉಲ್ಲಂಘನೆ ಮತ್ತು ದಾಖಲೆಗಳ ಸೋರಿಕೆ ಏನೂ ಹೊಸತೇನಲ್ಲ. ಈ ಹಿಂದೆಯೂ ಎಷ್ಟೋ ಸಲ ಈ ರೀತಿ ಆಗಿದೆ.
-masthmagaa.com
Contact Us for Advertisement