masthmagaa.com:
ಇಂಡೋ ಪೆಸಿಫಿಕ್ ಭಾಗದಲ್ಲಿ ಚೀನಾವನ್ನ ಕಟ್ಟಿಹಾಕಲು ಆಸ್ಟ್ರೇಲಿಯಾ, ಅಮೆರಿಕ ಮತ್ತು ಯುನೈಟೆಡ್ ಕಿಂಗ್ಡಮ್ – ಈ ಮೂರು ದೇಶಗಳು ಮಾಡಿಕೊಂಡಿದ್ದ ‘ಆಕುಸ್’ ರಕ್ಷಣಾ ಮೈತ್ರಿಕೂಟಕ್ಕೆ ಮತ್ತಷ್ಟು ಬಲ ಬಂದಿದೆ. ಮೂರು ದೇಶಗಳು ಈಗ ಹೈಪರ್ಸಾನಿಕ್ ಆಯುಧ ಮತ್ತು ಎಲೆಕ್ಟ್ರಾನಿಕ್ ವಾರ್ಫೇರ್ ಕೇಪಬಲಿಟೀಸ್ ಕ್ಷೇತ್ರದಲ್ಲೂ ಪರಸ್ಪರ ಸಹಕರಿಸಲು ನಿರ್ಧರಿಸಿವೆ. ಈ ಸಂಬಂಧ ಮೂರು ದೇಶಗಳು ನಾಯಕರು ಜಂಟಿ ಹೇಳಿಕೆ ಬಿಡುಗಡೆ ಮಾಡಿದ್ದಾರೆ. 2021ರ ಸೆಪ್ಟೆಂಬರ್ನಲ್ಲಿ ಆಕುಸ್ ರಕ್ಷಣಾ ಮೈತ್ರಿಕೂಟವನ್ನ ಮಾಡಿಕೊಳ್ಳಲಾಗಿತ್ತು. ಸೈಬರ್, ಆರ್ಟಿಫಿಷಿಯಲ್ ಇಂಟಲಿಜೆನ್ಸ್, ಕ್ವಾಂಟಮ್ ಟೆಕ್ನಾಲಜೀಸ್, ಅಂಡರ್ಸೀ ಕೇಪಬಲಿಟೀಸ್ ಕ್ಷೇತ್ರದಲ್ಲಿ ಪರಸ್ಪರ ಸಹಕರಿಸೋದು ಈ ಮೈತ್ರಿಕೂಟದ ಉದ್ದೇಶ. ಇದರಲ್ಲಿ ಪರಮಾಣು ಚಾಲಿತ ಜಲಾಂತರ್ಗಾಮಿ ತಂತ್ರಜ್ಞಾನವನ್ನ ಶೇರ್ ಮಾಡಿಕೊಳ್ಳೋದು ಸೇರಿತ್ತು. ಇದಕ್ಕೆ ಚೀನಾ ವಿರೋಧ ವ್ಯಕ್ತಪಡಿಸಿತ್ತು. ಈಗ ಹೆಚ್ಚುವರಿಯಾಗಿ ಹೈಪರ್ಸಾನಿಕ್ ಮತ್ತು ಎಲೆಕ್ಟ್ರಾನಿಕ್ ವಾರ್ಫೇರ್ ಕೇಪಬಲಿಟೀಸ್ ಅನ್ನ ಆಕುಸ್ಗೆ ಸೇರಿಸಿಕೊಂಡಿರೋದು ಚೀನಾ ಸಿಟ್ಟು ಮತ್ತಷ್ಟು ಹೆಚ್ಚಾಗುವಂತೆ ಮಾಡೋದು ಗ್ಯಾರಂಟಿ.
-masthmagaa.com
Contact Us for Advertisement