masthmagaa.com:
ಭಾರತದಲ್ಲಿ ಅನುಮೋದನೆ ಪಡೆದಿರುವ ‘ಕೋವಿಶೀಲ್ಡ್’ ಮತ್ತು ‘ಕೋವಾಕ್ಸಿನ್’ ಕೊರೋನಾ ಲಸಿಕೆಯ ವಿತರಣೆ ಶೀಘ್ರದಲ್ಲೇ ಆರಂಭವಾಗಲಿದೆ. ಇದರ ನಡುವೆಯೇ ‘ಕೋವಿಶೀಲ್ಡ್’ ಹೆಸರಿಗೆ ಸಂಬಂಧಿಸಿದಂತೆ ವಿವಾದವೊಂದು ಭುಗಿಲೆದ್ದಿದೆ. ಅಂದ್ಹಾಗೆ ಆಕ್ಸ್ಫರ್ಡ್ ಯುನಿವರ್ಸಿಟಿ-ಆಸ್ಟ್ರಾಝೆನೆಕಾ ಸೇರಿ ಅಭಿವೃದ್ಧಿಪಡಿಸಿರುವ ಕೊರೋನಾ ಲಸಿಕೆಗೆ ಭಾರತದಲ್ಲಿ ‘ಕೋವಿಶೀಲ್ಡ್’ ಅಂತ ಹೆಸರಿಡಲಾಗಿದೆ. ಇದರ ಉತ್ಪಾದನೆ ಮತ್ತು ಮಾನವ ಪ್ರಯೋಗವನ್ನ ಪುಣೆಯ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ನೋಡಿಕೊಳ್ಳುತ್ತೆ. ಆದ್ರೀಗ ಕೊರೋನಾ ಲಸಿಕೆಗೆ ‘ಕೋವಿಶೀಲ್ಡ್’ ಅಂತ ಹೆಸರಿಟ್ಟಿರುವ ಸೀರಂ ಇನ್ಸ್ಟಿಟ್ಯೂಟ್ ವಿರುದ್ಧ ಮಹಾರಾಷ್ಟ್ರದ ನಾಂದೇಡ್ ಮೂಲದ ಕ್ಯುಟಿಸ್ ಬಯೋಟೆಕ್ (Cutis Biotech) ಕಂಪನಿ ಕೋರ್ಟ್ ಮೆಟ್ಟಿಲೇರಿದೆ. ‘ಕೋವಿಶೀಲ್ಡ್ ’ ಹೆಸರಿನ ಹಲವು ಉತ್ಪನ್ನಗಳನ್ನ ನಾವು ಈಗಾಗಲೇ ಉತ್ಪಾದಿಸಿ ಮಾರಾಟ ಮಾಡಿದ್ದೇವೆ. 2020ರ ಏಪ್ರಿಲ್ನಲ್ಲೇ ಅದರ ಟ್ರೇಡ್ಮಾರ್ಕ್ ರಿಜಿಸ್ಟ್ರೇಷನ್ಗೆ ಅಪ್ಲಿಕೇಶನ್ ಕೂಡ ಹಾಕಿದ್ದೇವೆ ಅಂತ ಕ್ಯುಟಿಸ್ ಬಯೋಟೆಕ್ ಹೇಳಿದೆ. ಇದಕ್ಕೆ ಸೀರಂ ಇನ್ಸ್ಟಿಟ್ಯೂಟ್ ಏನ್ ಹೇಳುತ್ತೆ ನೋಡಬೇಕು. ಅಲ್ಲದೆ ‘ಕೋವಿಶೀಲ್ಡ್’ ಹೆಸರಿಗೆ ಸಂಬಂಧಿಸಿದಂತೆ ನಡೀತಿರುವ ಈ ಕಾನೂನು ಹೋರಾಟ ಲಸಿಕೆ ವಿತರಣೆ ಮೇಲೆ ಪರಿಣಾಮ ಬೀರುತ್ತಾ ಅನ್ನೋದು ಕೂಡ ಇನ್ನಷ್ಟೇ ಗೊತ್ತಾಗಬೇಕಿದೆ.
-masthmagaa.com
Contact Us for Advertisement