masthmagaa.com:
ದೇಶಾದ್ಯಂತ ಶನಿವಾರದಿಂದ ಆರಂಭವಾಗಲಿರುವ ಕೊರೋನಾ ಲಸಿಕೆ ಅಭಿಯಾನಕ್ಕೆ ಪುಣೆಯಿಂದ ‘ಕೋವಿಶೀಲ್ಡ್’ ಲಸಿಕೆ ಪೂರೈಕೆಯಾಗಿದೆ. ಮೊದಲು ಪುಣೆಯ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದ ಗೋಡೌನ್ನಿಂದ ಟ್ರಕ್ಗಳ ಮೂಲಕ ಪುಣೆ ಏರ್ಪೋರ್ಟ್ಗೆ ಲಸಿಕೆ ಪೂರೈಕೆಯಾಯ್ತು. ಅಲ್ಲಿಂದ ಏರ್ ಇಂಡಿಯಾ, ಸ್ಪೈಸ್ಜೆಟ್ ಮತ್ತು ಇಂಡಿಗೋ ಏರ್ಲೈನ್ಸ್ನ ಒಟ್ಟು 9 ವಿಮಾನಗಳ ಮೂಲಕ 56.5 ಲಕ್ಷ ‘ಕೋವಿಶೀಲ್ಡ್’ ಲಸಿಕೆಯ ಡೋಸ್ಗಳನ್ನ ದೇಶದ ವಿವಿಧ ಭಾಗಗಳಿಗೆ ಕಳಿಸಿಕೊಡಲಾಗಿದೆ. ಮೊದಲ ವಿಮಾನ ದೆಹಲಿಯ ಇಂದಿರಾ ಗಾಂಧಿ ಇಂಟರ್ನ್ಯಾಷನಲ್ ಏರ್ಪೋರ್ಟ್ನಲ್ಲಿ ಲ್ಯಾಂಡ್ ಆಯ್ತು. ಬಳಿಕ ಅಹಮದಾಬಾದ್, ಚೆನ್ನೈ, ಬೆಂಗಳೂರು.. ಹೀಗೆ ಒಂದೊಂದೇ ಕಡೆ ಲಸಿಕೆ ಹೊತ್ತ ವಿಮಾನ ಲ್ಯಾಂಡ್ ಆಗಿವೆ. ಬೆಂಗಳೂರಿನ ಕೆಂಪೇಗೌಡ ಇಂಟರ್ನ್ಯಾಷನಲ್ ಏರ್ಪೋರ್ಟ್ಗೆ ಸ್ಪೈಸ್ಜೆಟ್ ವಿಮಾನದ ಮೂಲಕ ಲಸಿಕೆ ಬಂದಿದೆ. ಬೆಂಗಳೂರಿಗೆ 54 ಬಾಕ್ಸ್ಗಳಲ್ಲಿ ಲಸಿಕೆ ಬಂದಿದೆ ಅಂತ ಹೇಳಲಾಗ್ತಿದೆ. ಈ ಲಸಿಕೆಯನ್ನ ಆನಂದ್ರಾವ್ ಸರ್ಕಲ್ ಬಳಿ ಇರುವ ಆರೋಗ್ಯ ಕೇಂದ್ರದಲ್ಲಿ ಸಂಗ್ರಹಿಸಿಡಲಾಗುತ್ತೆ. ಇಲ್ಲಿಂದ ಉಳಿದ ಜಿಲ್ಲೆಗಳಿಗೆ ಸಪ್ಲೈ ಆಗಲಿದೆ. ರಾಜ್ಯದಲ್ಲಿ ಬೆಂಗಳೂರು ಮತ್ತು ಬೆಳಗಾವಿ ಜಿಲ್ಲೆಗಳಲ್ಲಿ ಲಸಿಕೆಯ ದೊಡ್ಡ ದಾಸ್ತಾನು ವ್ಯವಸ್ಥೆ ಇದೆ. ಕೇಂದ್ರ ಸರ್ಕಾರ ನಿನ್ನೆಯಷ್ಟೇ ‘ಕೋವಿಶೀಲ್ಡ್’ ಲಸಿಕೆಯ 1.10 ಕೋಟಿ ಡೋಸ್ಗಳಿಗೆ ಆರ್ಡರ್ ಕೊಟ್ಟಿತ್ತು. ಆರ್ಡರ್ ಕೊಟ್ಟ ಒಂದೇ ದಿನದಲ್ಲಿ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ ದೇಶದ ಹಲವು ಭಾಗಗಳಿಗೆ 56.5 ಡೋಸ್ಗಳನ್ನ ಕಳಿಸಿಕೊಟ್ಟಿದೆ. ಉಳಿದ ಡೋಸ್ಗಳು ಮುಂದಿನ ಹಂತದಲ್ಲಿ ಸಪ್ಲೈ ಆಗಲಿದೆ.
-masthmagaa.com
Contact Us for Advertisement