masthmagaa.com:
ದೆಹಲಿ: ಕಂಟೈನ್ಮೆಂಟ್ ಝೋನ್ಗಳಲ್ಲಿ ಅದ್ರಲ್ಲೂ ಕೊರೋನಾ ಪ್ರಭಾವ ಹೆಚ್ಚಾಗಿರುವ ಪ್ರದೇಶಗಳಲ್ಲಿ ವಾಸಿಸುವ ಎಲ್ಲರಿಗೂ ಕಡ್ಡಾಯವಾಗಿ ಕೊರೋನಾ ರ್ಯಾಪಿಡ್ ಟೆಸ್ಟ್ ನಡೆಸಬೇಕು ಅಂತ ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಜೊತೆಗೆ ವಿದೇಶಗಳಿಗೆ ತೆರಳುವವರಿಗೆ ಮತ್ತು ರಾಜ್ಯಗಳ ನಡುವೆ ಪ್ರಯಾಣಿಸುವವರಿಗೆ ಬೇಡಿಕೆ ಮೇರೆಗೆ ಕೊರೋನಾ ಪರೀಕ್ಷೆ ನಡೆಸಬೇಕು.. ಅಂತಾರಾಜ್ಯ ಪ್ರಯಾಣದ ವೇಳೆ ಕೊರೋನಾ ಪರೀಕ್ಷೆಯ ನೆಗೆಟಿವ್ ರಿಪೋರ್ಟ್ ಹೊಂದುವುದನ್ನು ರಾಜ್ಯಗಳು ಕಡ್ಡಾಯಗೊಳಿಸಬೇಕು ಅಂತ ಸಲಹೆ ನೀಡಿದೆ. ಅಲ್ಲದೆ ಯಾರಿಗಾದ್ರೂ ಕೊರೋನಾ ರ್ಯಾಪಿಡ್ ಎಂಟಿಜನ್ ಟೆಸ್ಟ್ನಲ್ಲಿ ನೆಗೆಟಿವ್ ಬಂದು ನಂತರದಲ್ಲಿ ಲಕ್ಷಣಗಳು ಕಂಡು ಬಂದರೆ ಅಂಥವರಿಗೆ RT-PCR ಪರೀಕ್ಷೆ ನಡೆಸಬೇಕು ಅಂತ ಕೂಡ ತಿಳಿಸಿದೆ. ಪರೀಕ್ಷೆಯ ಕೊರತೆಯಿಂದಾಗಿ ಗರ್ಭಿಣಿಯರಿಗೆ ತೊಂದರೆಯಾಗಬಾರದು.. ಡೆಲಿವರಿ ವೇಳೆ ಬೇರೆ ಆಸ್ಪತ್ರೆಗೆ ರೆಫರ್ ಮಾಡುವ ಪರಿಸ್ಥಿತಿ ನಿರ್ಮಾಣವಾಗಬಾರದು ಅಂತ ಸೂಚಿಸಿದೆ.
-masthmagaa.com:
Contact Us for Advertisement