masthmagaa.com:
ಪಾಕಿಸ್ತಾನ ಎಲ್ಲಿ ಹೋದ್ರೂ ನಾಚಿಕೆಗೆಡೋದೇ ಆಗಿದೆ. 2015ರಿಂದ ಈವರೆಗೆ 6,18,877 ಪಾಕಿಗಳನ್ನು ವಿಶ್ವದ ಒಟ್ಟು 138 ದೇಶಗಳಿಂದ ಗಡೀಪಾರು ಮಾಡಲಾಗಿದೆ. ಅಕ್ರಮವಾಗಿ ಪ್ರವೇಶ ಅಥವಾ ಪ್ರಯಾಣಕ್ಕೆ ಸಂಬಂಧಿಸಿದಂತೆ ನಕಲಿ ದಾಖಲೆಗಳನ್ನು ಹೊಂದಿದ್ದು ಇದಕ್ಕೆ ಕಾರಣ ಅಂತ ಗೊತ್ತಾಗಿದೆ. ಈ ಒಟ್ಟು ಸಂಖ್ಯೆಯಲ್ಲಿ 72 ಪರ್ಸೆಂಟ್ನಷ್ಟು ಪಾಕಿಗಳು ಫ್ರೆಂಡ್ಲಿ ದೇಶಗಳಾದ ಸೌದಿ ಅರೇಬಿಯಾ, ಒಮನ್, ಯುಎಇ, ಖತರ್, ಬಹ್ರೇನ್, ಇರಾನ್ ಮತ್ತು ಟರ್ಕಿ ದೇಶಗಳಿಂದಲೇ ಗಡೀಪಾರಾಗಿದ್ಧಾರೆ. ಅದ್ರಲ್ಲೂ 52 ಪರ್ಸೆಂಟ್ನಷ್ಟು ಅಂದ್ರೆ 3,21,590 ಜನ ಸೌದಿ ಅರೇಬಿಯಾ ಒಂದರಿಂದಲೇ ಗಡೀಪಾರಾಗಿದ್ದು, ಪ್ರತಿದಿನ 147 ಮಂದಿಯಂತೆ ಗಡೀಪಾರು ಮಾಡಲಾಗಿದೆ. 2015ರಲ್ಲಿ 61,403, 2016ರಲ್ಲಿ 57,704, 2017ರಲ್ಲಿ 93,736, 2018ರಲ್ಲಿ 50,944, 2019ರಲ್ಲಿ 38,470, 2020ರಲ್ಲಿ 19,333 ಮಂದಿ ಪಾಕಿಗಳನ್ನು ಸೌದಿಯಿಂದ ಗಡೀಪಾರು ಮಾಡಲಾಗಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪಾಕ್ ಫೆಡರಲ್ ಇನ್ವೆಸ್ಟಿಗೇಷನ್ ಏಜೆನ್ಸಿ, ಈ ರೀತಿ ಗಡೀಪಾರಾಗ್ತಿರೋರಿಗೆ ಆ ದೇಶಗಳಲ್ಲಿ ಪಾಕ್ ರಾಯಭಾರಿ ಕಚೇರಿಗಳಿಂದ ಸರಿಯಾದ ರೀತಿಯಲ್ಲಿ ಬೆಂಬಲ ಸಿಗ್ತಿಲ್ಲ. ಹೀಗಾಗಿ ಇತ್ತೀಚಿನ ವರ್ಷಗಳಲ್ಲಿ ಗಡೀಪಾರಾಗ್ತಿರೋರ ಸಂಖ್ಯೆ ಜಾಸ್ತಿಯಾಗ್ತಿದೆ ಅಂತ ಹೇಳಿದೆ. ಈ ನಡುವೆ ಅಮೆರಿಕದ ಮಾನವ ಹಕ್ಕು ಸಂಸ್ಥೆ ಹ್ಯೂಮನ್ ರೈಟ್ಸ್ ವಾಚ್, ಯುಎಇನಲ್ಲಿ ಪಾಕಿಸ್ತಾನದ ಶಿಯಾ ಮುಸ್ಲಿಮರನ್ನು ಟಾರ್ಗೆಟ್ ಮಾಡಲಾಗ್ತಿದೆ ಅಂತ ತಿಳಿಸಿದೆ. ಅಷ್ಟೇ ಅಲ್ಲ.. ಕಳೆದ ಅಕ್ಟೋಬರ್ನಿಂದ ಈವರೆಗೆ 4 ಮಂದಿ ಪಾಕಿಸ್ತಾನದ ಶಿಯಾ ಮುಸ್ಲಿಮರನ್ನು ಬೇಕು ಬೇಕಂತಲೇ ನಾಪತ್ತೆ ಮಾಡಿದ್ದು, 6 ಮಂದಿಯನ್ನು ವಾಪಸ್ ಕಳುಹಿಸಿದೆ ಅಂತ ಹೇಳಿದೆ.
-masthmagaa.com
Contact Us for Advertisement