masthmagaa.com:
ಭಾರತ-ಆಸ್ಟ್ರೇಲಿಯಾ ನಡುವಿನ 3 ಮತ್ತು 4ನೇ ಟೆಸ್ಟ್ ಪಂದ್ಯಕ್ಕೆ ರೋಹಿತ್ ಶರ್ಮಾರನ್ನ ಉಪನಾಯಕನಾಗಿ ನೇಮಿಸಲಾಗಿದೆ. 2ನೇ ಟೆಸ್ಟ್ನಲ್ಲಿ ನಾಯಕನ ಜವಾಬ್ದಾರಿ ನೆರವೇರಿಸಿ ತಂಡವನ್ನ ಗೆಲ್ಲಿಸಿದ್ದ ಅಜಿಂಕ್ಯಾ ರಹಾನೆಯೇ ಉಳಿದೆರಡು ಪಂದ್ಯಗಳಿಗೂ ಕ್ಯಾಪ್ಟನ್ ಆಗಿ ಮುಂದುವರಿಯಲಿದ್ದಾರೆ. ಚೇತೇಶ್ವರ ಪೂಜಾರ ಬದಲು ರೋಹಿತ್ ಶರ್ಮಾ ವೈಸ್ ಕ್ಯಾಪ್ಟನ್ ಆಗಲಿದ್ದಾರೆ. ಆಸ್ಟ್ರೇಲಿಯಾದಲ್ಲಿ 14 ದಿನ ಕ್ವಾರಂಟೈನ್ ಮುಗಿಸಿರುವ ರೋಹಿತ್ ಮೊನ್ನೆಯಷ್ಟೇ ತಂಡವನ್ನ ಸೇರಿದ್ದರು. ಇನ್ನು ಗಾಯಗೊಂಡಿರುವ ವೇಗಿ ಉಮೇಶ್ ಯಾದವ್ ಜಾಗಕ್ಕೆ ಟಿ. ನಟರಾಜನ್ ಅವರನ್ನ ರಿಪ್ಲೇಸ್ಮೆಂಟ್ ಅಂತ ಬಿಸಿಸಿಐ ಘೋಷಿಸಿದೆ. ನಟರಾಜನ್ ಬಗ್ಗೆ ಇಲ್ಲಿ ಸ್ವಲ್ಪ ಹೇಳಬೇಕು. ವೇಗಿ ನವದೀಪ್ ಸೈನಿ ಗಾಯಗೊಂಡಾಗ ನಟರಾಜನ್ಗೆ ಒಂಡೇ ತಂಡದಲ್ಲಿ ಸ್ಥಾನ ಸಿಕ್ತು. ಅದಾದ ಬಳಿಕ ವರುಣ್ ಚಕ್ರವರ್ತಿ ಗಾಯಗೊಂಡಾಗ ಟಿ-20 ತಂಡದಲ್ಲಿ ಸ್ಥಾನ ಸಿಕ್ತು. ಇದೀಗ ಉಮೇಶ್ ಯಾದವ್ ಗಾಯಗೊಂಡಿರೋದ್ರಿಂದ ಟೆಸ್ಟ್ ತಂಡದಲ್ಲೂ ನಟರಾಜನ್ಗೆ ಸ್ಥಾನ ಸಿಕ್ಕಂತಾಗಿದೆ.
-masthmagaa.com
Contact Us for Advertisement