masthmagaa.com:
ದೇಶದಲ್ಲಿ ಕೊರೋನಾ ಲಸಿಕೆ ಅಭಿಯಾನ ನಡೀತಿರೋ ನಡುವೆಯೇ ಅಕ್ಕಪಕ್ಕದ ದೇಶಗಳಿಗೂ ಲಸಿಕೆ ಪೂರೈಸಲು ಭಾರತ ಮುಂದಾಗಿದೆ. ಭಾರತದಿಂದ ವಿದೇಶಕ್ಕೆ ಲಸಿಕೆ ಪೂರೈಕೆ ಆರಂಭವಾಗಿದೆ. ಸೀರಂ ಇನ್ಸ್ಟಿಟ್ಯೂಟ್ನ ‘ಕೋವಿಶೀಲ್ಡ್’ ಲಸಿಕೆಯ ಒಂದೂವರೆ ಲಕ್ಷ ಡೋಸ್ಗಳು ಮುಂಬೈ ಏರ್ಪೋರ್ಟ್ನಿಂದ ಭೂತಾನ್ನ ಥಿಂಪು ಏರ್ಪೋರ್ಟ್ಗೆ ರವಾನೆಯಾಗಿದೆ. ಇದು ಭೂತಾನ್ಗೆ ಭಾರತ ಸರ್ಕಾರದ ಗಿಫ್ಟ್. ಈ ಮೂಲಕ ಭಾರತದಿಂದ ಲಸಿಕೆ ಪಡೆದ ಮೊದಲ ದೇಶ ಭೂತಾನ್ ಎನಿಸಿಕೊಂಡಿದೆ. ಕೇವಲ ಲಸಿಕೆ ಮಾತ್ರವಲ್ಲ ಈ ಹಿಂದೆ 2.8 ಕೋಟಿ ರೂಪಾಯಿ ಮೌಲ್ಯದ ಪಿಪಿಇ ಕಿಟ್, ಎನ್95 ಮಾಸ್ಕ್, ಎಕ್ಸ್-ರೇ ಮಷೀನ್, ಟೆಸ್ಟ್ ಕಿಟ್ಗಳನ್ನ ಭೂತಾನ್ಗೆ ಕೊಟ್ಟಿತ್ತು ಭಾರತ. ಅಂದ್ಹಾಗೆ ಭಾರತ ಮತ್ತು ಭೂತಾನ್ ಮಧ್ಯೆ ದ್ವಿಪಕ್ಷೀಯ ಒಪ್ಪಂದವಿದೆ. ಇದರ ಪ್ರಕಾರ ಭೂತಾನ್ನ ರಕ್ಷಣಾ ಜವಾಬ್ದಾರಿ ಭಾರತದ್ದು. ಹೀಗಾಗಿಯೇ ಡೋಕ್ಲಾಮ್ನಲ್ಲಿ ಚೀನಾ ಕಿರಿಕ್ ಮಾಡ್ದಾಗ ಭಾರತ ಹೋಗಿ ಅದರ ನೆರವಿಗೆ ನಿಂತಿತ್ತು.
ಕೇವಲ ಭೂತಾನ್ ಮಾತ್ರವಲ್ಲ ಬಾಂಗ್ಲಾದೇಶ, ನೇಪಾಳ, ಮಾಲ್ಡೀವ್ಸ್, ಮ್ಯಾನ್ಮಾರ್, ಸೆಶೆಲ್ ಮುಂತಾದ ದೇಶಗಳಿಗೂ ಭಾರತ ಲಸಿಕೆ ಕಳಿಸಿಕೊಡ್ತಿದೆ. ಮುಂದಿನ ದಿನಗಳಲ್ಲಿ ಶ್ರೀಲಂಕಾ, ಅಫ್ಘನಿಸ್ತಾನ ಮತ್ತು ಮಾರಿಷಸ್ ದೇಶಗಳಿಗೂ ಲಸಿಕೆ ಪೂರೈಕೆಯಾಗಲಿದೆ. ಇಂಟರೆಸ್ಟಿಂಗ್ ಅಂದ್ರೆ ಈ ದೇಶಗಳ ಪಟ್ಟಿಯಲ್ಲಿ ಪಕ್ಕದ ಪಾಕಿಸ್ತಾನ ಇಲ್ಲ.
-masthmagaa.com
Contact Us for Advertisement