masthmagaa.com:
ಟೆನ್ನಿಸ್ ಲೋಕದ ನಂಬರ್ ಒನ್ ಆಟಗಾರ ನೊವಾಕ್ ಜೊಕೋವಿಚ್ರನ್ನು ಆಸ್ಟ್ರೇಲಿಯಾ ಗಡೀಪಾರು ಮಾಡಿದೆ. 11 ದಿನಗಳ ಕಾಲ ಆಸ್ಟ್ರೇಲಿಯಾ ಸರ್ಕಾರದ ವಿರುದ್ಧ ಕಾನೂನು ಹೋರಾಟ ನಡೆಸಿದ ಜೊಕೋವಿಚ್ ಕೊನೆಗೂ ಸೋತು ದುಬೈಗೆ ಬಂದಿಳಿದಿದ್ದಾರೆ. ನಿನ್ನೆ ರಾತ್ರಿ 10.51ಕ್ಕೆ ಜೊಕೋವಿಚ್ರನ್ನು ಹೊತ್ತ ಇಕೆ 409 ಎಮಿರೇಟ್ಸ್ ವಿಮಾನ ದುಬೈಗೆ ಹೊರಟಿತ್ತು. ಇದಕ್ಕೂ ಮುನ್ನ ಪ್ರತಿಕ್ರಿಯಿಸಿದ ಅವರು, ಆಸ್ಟ್ರೇಲಿಯಾ ಫೆಡರಲ್ ಕೋರ್ಟ್ ನಿರ್ಧಾರದಿಂದ ತುಂಬಾ ಬೇಜಾರಾಗಿದೆ ಅಂದ್ರು. ಅಂದಹಾಗೆ ಇತ್ತೀಚೆಗೆ ಲಸಿಕೆ ಹಾಕಿಸಿಕೊಳ್ಳದ ಜೊಕೋವಿಚ್ಗೆ ವೀಸಾ ನೀಡಿದ್ದ ಆಸ್ಟ್ರೇಲಿಯಾ, ನಂತರ ಆ ನಿರ್ಧಾರದಿಂದ ಹಿಂದಕ್ಕೆ ಸರಿದಿತ್ತು. ಜೋಕೋವಿಚ್ರ ಎಂಟ್ರಿ ವಿಸಾವನ್ನ ಕ್ಯಾನ್ಸಲ್ ಮಾಡಿತ್ತು. ಅಷ್ಟರಲ್ಲಾಗಲೇ ಮೆಲ್ಬರ್ನ್ ಏರ್ಪೋರ್ಟ್ಗೆ ಬಂದಿದ್ದ ಜೋಕೋವಿಚ್ರನ್ನು ಅಕ್ರಮ ವಲಸಿಗರ ಕೇಂದ್ರದಲ್ಲಿ ಇರಿಸಲಾಗಿತ್ತು. ಹೀಗಾಗಿ ಜೊಕೋವಿಚ್ ಆಸ್ಟ್ರೇಲಿಯಾ ವಿರುದ್ಧ ಕಾನೂನು ಹೋರಾಟ ಶುರು ಮಾಡಿದ್ರು. ಸ್ಥಳೀಯ ಕೋರ್ಟ್ ಜೊಕೋವಿಚ್ ಪರವಾಗಿ ತೀರ್ಪು ನೀಡಿತ್ತು. ಆದ್ರೆ ಅದನ್ನ ಪ್ರಶ್ನಿಸಿ ಆಸ್ಟ್ರೇಲಿಯಾ ಸರ್ಕಾರ ಫೆಡರಲ್ ಕೋರ್ಟ್ ಮೊರೆ ಹೋಗಿತ್ತು. ವಿಚಾರಣೆ ನಡೆಸಿದ್ದ ಕೋರ್ಟ್, ಆಸ್ಟ್ರೇಲಿಯಾ ಸರ್ಕಾರದ ನಿರ್ಧಾರವನ್ನು ಎತ್ತಿಹಿಡಿದಿತ್ತು.
-masthmagaa.com
Contact Us for Advertisement