masthmagaa.com:
ಪಾಕಿಸ್ತಾನ ಪ್ರಧಾನಿ ಇಮ್ರಾನ್ ಖಾನ್ರನ್ನ ಪಾಕಿಸ್ತಾನಿಯರೇ ಸಿಕ್ಕಾಪಟ್ಟೆ ಟ್ರೋಲ್ ಮಾಡಿ ಬಿಸಾಕಿದ್ದಾರೆ. ಟಿವಿ ಷೋ ಒಂದರಲ್ಲಿ ಮಾತಾಡ್ತಿದ್ದಾಗ ಇಮ್ರಾನ್ ಖಾನ್ ತಮ್ಮ ನಾಲಗೆಯನ್ನ ಲಾಜಿಕ್ ಇಲ್ಲದೇ ಹರಿಬಿಟ್ಟಿದ್ದೇ ಇದಕ್ಕೆ ಕಾರಣ. ಪಾಕಿಸ್ತಾನದಲ್ಲಿ ಮಹಿಳೆಯರ ಮೇಲಿನ ಲೈಂಗಿಕ ಶೋಷಣೆ ಹಾಗೂ ಅತ್ಯಾಚಾರದಂತ ಪ್ರಕರಣಗಳು ಜಾಸ್ತಿ ಆಗ್ತಿವೆ ಅಲ್ವಾ ಅಂತಾ ಕೇಳಿದಾಗ, ಪಾಕ್ ಪ್ರಧಾನಿ ಇಮ್ರಾನ್ ಖಾನ್, ಇದೆಕ್ಕೆಲ್ಲ ಮಹಿಳೆಯರ ಮೈತೋರಿಸೋ ಬಟ್ಟೆಗಳೇ ಕಾರಣ ಅಂತಾ ಹೇಳಿದ್ದಾರೆ. ಯಾವುದೋ ಖಟ್ಟರ್ಪಂತೀಯ ಧಾರ್ಮಿಕ ನಾಯಕ ಈ ಮಾತು ಹೇಳಿದ್ದರೆ, ಅವರ ಹಿನ್ನೆಲೆ ಆ ಥರ ಇದೆ ಸೋ ಹೇಳ್ತಿದಾರೆ ಅನ್ನಬೋದಿತ್ತು. ಆದ್ರೆ ಈ ಇಮ್ರಾನ್ ಖಾನ್ ಪಾಕ್ ಪ್ರಧಾನಿ ಆಗೋಕೂ ಮೊದಲು ಬ್ರಿಟನ್ನಲ್ಲಿ ವಿದ್ಯಾರ್ಥಿಯಾಗಿದ್ದಾಗ ಹಾಗೂ ನಂತರ ಸೂಪರ್ಸ್ಟಾರ್ ಕ್ರಿಕೆಟರ್ ಆಗಿದ್ದಾಗ ಹೇಗಿದ್ದರು ಅನ್ನೋದು ಇಡೀ ಜಗತ್ತಿಗೆ ಗೊತ್ತಿದೆ. ಅವರ ಈ ಹಿಂದಿನ ಲೆಕ್ಕವಿಲ್ಲದಷ್ಟು ವಿದೇಶೀ ಮಹಿಳೆಯರೊಂದಿಗಿನ ಲವ್ ಲೈಫ್ ಹಾಗೂ ಅರೆಬರೆ ಬಟ್ಟೆ ತೊಟ್ಟ ಪೋಟೋಗಳನ್ನೆಲ್ಲ ಇಟ್ಟುಕೊಂಡು ಟ್ರೋಲ್ ಮಾಡಲಾಗ್ತಿದೆ. ನಮಗೂ ಕೂಡ ಈ ಮಟ್ಟಿಗೆ ಅಂತ ಗೊತ್ತಿರಲಿಲ್ಲ. ಸೋ ನೋಡಣ ಅಂತ ಚೆಕ್ ಮಾಡಿದ್ರೆ, ಒಂದು ಟೈಟಲ್ ನಮ್ಮ ಗಮನ ಸೆಳೀತು. ಅದರಲ್ಲಿ ಇಮ್ರಾನ್ ಖಾನ್ ಅವರ ಗೆಳತಿಯರ ಪೈಕಿ ಟಾಪ್ 22 ಜನರ ಲಿಸ್ಟ್ ಇಲ್ಲಿದೆ ಅಂತ ಇತ್ತು. ಟಾಪ್ 22! ಇದನ್ನ ನೋಡಿನೇ ನಮಗೆ ಗಾಬರಿ ಆಯ್ತು. ಅಷ್ಟೆಲ್ಲ ಪುರುಸೊತ್ತಿಲ್ಲ ಈಯಪ್ಪನ ಸಾಧನೆ ನೋಡೋಕೆ ಅಂತಾ.. ಸಣ್ಣ ಫಿಲ್ಟರ್ಡ್ ಲಿಸ್ಟ್ ಯಾರಾದ್ರೂ ಕೊಟ್ಟಿದಾರಾ ಅಂತ ಚೆಕ್ ಮಾಡಿದ್ವಿ. ಆಗ ಸಾಲು ಸಾಲು ಪಟ್ಟಿಗಳು ಸಿಕ್ವು.
ಇಮ್ರಾನ್ ಖಾನ್ ಗೆಳತಿಯರು:
1982ರಿಂದ 86 – ಬ್ರಿಟನ್ನ ಚಿತ್ರ ಕಲಾವಿದೆ ಎಮ್ಮಾ ಸಾರ್ಜೆಂಟ್
1987ರಿಂದ 1991 – ಬ್ರಿಟನ್ನ ಉದ್ಯಮಿ ಗೋರ್ಡೋನ್ ವೈಟ್ ಮಗಳು ಸೀತಾ ವೈಟ್
1992 ರಿಂದ 1994 – ಜೆರ್ಮನ್ ನಿರೂಪಕಿ ಕ್ರಿಸ್ಟಿಯಾನೇ ಬ್ಯಾಕರ್
ಆಕ್ಸ್ಫರ್ಡ್ ಯೂನಿವರ್ಸಿಟಿಯಲ್ಲಿ ಓದುತ್ತಿದ್ದಾಗ ಸಹಪಾಠಿಯಾಗಿದ್ದ ಪಾಕ್ ಮಾಜಿ ಪ್ರಧಾನಿ ದಿವಂಗತ ಬೆನಝೀರ್ ಭುಟ್ಟೋ ಜೊತೆ ಕೂಡ ಇಮ್ರಾನ್ ಹತ್ತಿರ ಆಗಿದ್ರು. ಬೆನಝೀರ್ ತಂದೆ ಜುಲ್ಫಿಕರ್ ಅಲಿ ಭುಟ್ಟೋ ಕೂಡ ಪಾಕ್ ಪ್ರಧಾನಿಯಾಗಿದ್ದವರು. ಸೋ ಪ್ರಧಾನಿಯ ಮಗಳು ಯಾಕ್ ಬೇಕು ಅಂತ ಇಮ್ರಾನ್ ದೂರ ಇರಲಿಲ್ಲ. 2009ರಲ್ಲಿ ಬಂದ ಕ್ರಿಸ್ಟೋಫರ್ ಸ್ಟಾಂಡ್ಫೋರ್ಡ್ ಬರೆದ ಇಮ್ರಾನ್ ಖಾನ್ ಜೀವನ ಚರಿತ್ರೆಯಲ್ಲೂ ಇಮ್ರಾನ್ ಹಾಗೂ ಪಾಕ್ ಮಾಜಿ ಪ್ರಧಾನಿ ಬೆನಝೀರ್ ಭುಟ್ಟೋ ಸಂಬಂಧದ ಬಗ್ಗೆ ಉಲ್ಲೇಖಿಸಲಾಗಿದೆ.
ನಂತರ ಬಾಲಿವುಡ್ ನಟಿ ಝೀನತ್ ಅಮಾನ್, ಹಾಲಿವುಡ್ ನಟಿ ಗೋಲ್ಡೀ ಹಾವ್ನ್ ತನಕ ಹತ್ತಾರು ಸೆಲೆಬ್ರಿಟಿ ಸುಂದರಿಯರೂ ಇಮ್ರಾನ್ ಖಾನ್ ಬದುಕಿನ ಪುಟಗಳಲ್ಲಿ ಒಂದಷ್ಟು ಪೇಜು ಗೀಚಿ ಹೋಗಿದ್ದಾರೆ ಅಂತಾ ವರದಿಗಳಿವೆ.
ಇದರಲ್ಲಿ ಬ್ರಿಟನ್ನ ಉದ್ಯಮಿ ಗೋರ್ಡೋನ್ ವೈಟ್ ಮಗಳು ಸೀತಾ ವೈಟ್ ಅಂತೂ ತನ್ನ ಮಗಳಿಗೆ ಇಮ್ರಾನೇ ತಂದೆ ಅಂತ ಕೋರ್ಟ್ಗೂ ಹೋಗಿದ್ರು. ಆದ್ರೆ ಇಮ್ರಾನ್ ಒಪ್ಪಲಿಲ್ಲ. ಆಮೇಲೆ ಡಿಎನ್ಎ ಪರೀಕ್ಷೆ ನಡೆಸಿದಾಗ ಸೀತಾ ವೈಟ್ ಮಗು ಟೈರಿಯನ್ ವೈಟ್ಗೆ ಇಮ್ರಾನೇ ತಂದೆ ಅಂತ ಸಾಬೀತಾಯ್ತು. ಆದ್ರೆ ಅದಾಗಿ ಕೆಲ ಸಮಯದಲ್ಲೇ ಸೀತಾ ವೈಟ್ ತಮ್ಮ 43ನೇ ವಯಸ್ಸಲ್ಲಿ ಪ್ರಾಣ ಕಳ್ಕೊಂಡ್ರು. ಆಗ ಮಗು ಕಥೆ ಏನು ಅನ್ನೋ ಪ್ರಶ್ನೆ ಬಂದಿತ್ತು. ನಂತರ ಇಮ್ರಾನ್ ಖಾನ್ 42 ವರ್ಷಗಳ ಬ್ಯಾಚುಲರ್ ಲೈಫ್ ಸಾಕು ಅಂತ 1995ರಲ್ಲಿ ಜೆಮೈಮಾ ಗೋಲ್ಡ್ಸ್ಮಿತ್ರನ್ನ ಮದುವೆಯಾದ್ರು. ಈ ಮದುವೆ 2004ರಲ್ಲಿ ಮುರಿದು ಡಿವೋರ್ಸ್ ಆಯ್ತು. ಆದ್ರೆ ಇಮ್ರಾನ್ ಖಾನ್ ಮಾಜಿ ಗೆಳತಿಗೆ ಹುಟ್ಟಿದ ಮಗು ಟೈರಿಯನ್ ವೈಟ್ರನ್ನ ಜೆಮೈಮಾ ತಮ್ಮ ಮಗಳಂತೆಯೇ ನೊಡಿಕೊಂಡಿದ್ದರು. ಮುಂದೆ ಇಮ್ರಾನ್ ಖಾನ್ ಜೊತೆ ಡಿವೋರ್ಸ್ ಆದಮೇಲೂ ಟೈರಿಯನ್ ವೈಟ್ಳನ್ನ ತನ್ನ ಮಗಳಂತೆಯೇ ನೋಡಿಕೊಂಡಿದ್ದಾರಂತೆ. ಆದ್ರೆ ಇಮ್ರಾನ್ಖಾನ್ ಮಿಂಚಿನ ಓಟ ಮಾತ್ರ ನಿಂತೇ ಇಲ್ಲ.
2015ರಲ್ಲಿ ರೇಹಮ್ ಖಾನ್ರನ್ನ ಮದುವೆಯಾದ್ರು. ಆದ್ರೆ ರೇಹಾಮ್ ಖಾನ್ಗೆ ಅದೇನಾಯ್ತೋ ಗೊತ್ತಿಲ್ಲ. ಒಂದು ವರ್ಷದ ಒಳಗೆ ಇಮ್ರಾನ್ರಿಂದ ವಿಚ್ಚೇದನ ಪಡೆದು ದೂರ ಹೋದ್ರು. ಈ ಥರ ಎರಡನೇ ಮದುವೆ ಢಮಾರ್ ಆಯ್ತು. ಆದರೂ ಛಲ ಬಿಡದ ಇಮ್ರಾನ್ ಖಾನ್ ತಾವು ಪ್ರಧಾನಿಯಾದ ವರ್ಷ 2018ರಲ್ಲಿ ತಮ್ಮ ಆಧ್ಯಾತ್ಮಿಕ ಗೈಡ್ ಆಗಿದ್ದ ಬುಶ್ರಾ ಬಿಬಿಯನ್ನ ಮದುವೆ ಆಗಿದ್ದಾರೆ. ಈ 3ನೇ ಮದುವೆ ಆಗುವಾಗ ಇಮ್ರಾನ್ 65 ವರ್ಷದ ಅಜ್ಜ.
ಒಂದೇ ವರ್ಷದಲ್ಲಿ ದೂರ ಹೋದ ರೇಹಮ್ ಖಾನ್ ನಂತರ ಇಮ್ರಾನ್ ಜೊತೆಗಿನ ಭಯಾನಕ ಕ್ಷಣಗಳ ಕುರಿತು ಬುಕ್ ಬರೆದ್ರು. ರೇಹಮ್ ಖಾನ್ ಹೆಸರಿನ ಈ ಪುಸ್ತಕದಲ್ಲಿ ಇಮ್ರಾನ್ ಖಾನ್ ಒಬ್ಬ ಮಹಾನ ಕ್ರೂರಿ ಅಂತ ಬರೆಯಲಾಗಿತ್ತು. ಹಾಗೂ ಇಮ್ರಾನ್ಗೆ ಸಲಿಂಗಿತನದ ಗುಣಗಳಿವೆ ಅಂತಲೂ ಆರೋಪಿಸಿದ್ರು ರೇಹಮ್ ಖಾನ್. ಈ ಪುಸ್ತಕದ ಬಗ್ಗೆ ಭಾರೀ ಚರ್ಚೆ ಆಗ್ತಿದ್ದಾಗ ಮೊದಲ ಪತ್ನಿ ಜೆಮೈಮಾ ಗೋಲ್ಡ್ಸ್ಮಿತ್ ಕೂಡ ನನಗೂ ಇಂತಹ ಅನುಭವಗಳಾಗಿವೆ ಅಂತ ಹೇಳಿ ಇಮ್ರಾನ್ ಟೆನ್ಶನ್ ಜಾಸ್ತಿ ಮಾಡಿದ್ದರು.
ಹೇಳಿಕೇಳಿ ಪಾಕಿಸ್ತಾನಕ್ಕೆ ವಿಶ್ವಕಪ್ ಗೆದ್ದುಕೊಟ್ಟ ಆಲ್ರೌಂಡರ್ ಕ್ಯಾಪ್ಟನ್ ಇಮ್ರಾನ್ ಖಾನ್. ಸ್ವಿಂಗ್ ಬೌಲಿಂಗ್ನ ಲೆಜೆಂಡ್. ಸೋ ಅದ್ಯಾವ್ಯಾವ್ ಥರದ ಸ್ವಿಂಗ್ ಮಾಡಿದ್ರೋ ಗೊತ್ತಿಲ್ಲ. ಎದುರಿಗೆ ಬಂದವರನ್ನೆಲ್ಲ ತಮ್ಮ ಪ್ರೀತಿಯಲ್ಲಿ ಬೀಳಿಸಿದ್ದಾರೆ. ಪ್ರೀತಿಯಲ್ಲಿ ಅನ್ನೋ ಶಬ್ದ ಬಳಸೋದು ಸರಿಯೋ ತಪ್ಪೋ ಗೊತ್ತಿಲ್ಲ. ಅದು ನಿಮ್ಮ ವಿವೇಚನೆಗೆ ಬಿಟ್ಟಿದ್ದು. ಆದ್ರೆ ಇಮ್ರಾನ್ ಖಾನ್ ಈಗ ಸಡನ್ನಾಗಿ ಆಧುನಿಕ ವೇಷಭೂಷ, ಮೈಕಾಣುವ ಉಡುಪು ಇತ್ಯಾದಿಗಳು ಮಹಿಳೆಯರ ಮೇಲಿನ ಅತ್ಯಾಚಾರಕ್ಕೆ ಕಾರಣ ಅಂತ ಹೇಳಿದಾಗ ಪಾಕಿಸ್ತಾನದಲ್ಲೂ ಅವರ ಈ ಹಿನ್ನೆಲೆ ಎಲ್ಲ ತೆಗೆದು ಟ್ರೋಲ್ ಮಾಡ್ತಿದಾರೆ.
-masthmagaa.com
Contact Us for Advertisement