masthmagaa.com:
ಭಾರತ-ಚೀನಾ ನಡುವೆ ಶನಿವಾರ ಬೆಳಗ್ಗೆ 10 ಗಂಟೆಗೆ ಆರಂಭವಾದ 10ನೇ ಸುತ್ತಿನ ಕಾರ್ಪ್ಸ್ ಕಮಾಂಡರ್ ಹಂತದ ಮಾತುಕತೆ ಭಾನುವಾರ ಬೆಳಗಿನಜಾವ 2 ಗಂಟೆಗೆ ಅಂತ್ಯವಾಗಿದೆ. ಅಂದ್ರೆ ಹಗಲು-ರಾತ್ರಿ ಎನ್ನದೆ ಬರೋಬ್ಬರಿ 16 ಗಂಟೆ ಕಾಲ ನಿರಂತರ ಸಭೆ ನಡೆದಿದೆ. LACಯ ಚೀನಾ ಬದಿಯಲ್ಲಿರೋ ಮೋಲ್ಡೋ ಎಂಬಲ್ಲಿ ಈ ಮೀಟಿಂಗ್ ನಡೆದಿದೆ. ಮೀಟಿಂಗ್ನಲ್ಲಿ ಗೋಗ್ರಾ, ಹಾಟ್ ಸ್ಪ್ರಿಂಗ್ಸ್ ಮತ್ತು ಡೆಪ್ಸಾಂಗ್ ಪ್ರದೇಶದಲ್ಲಿ ಡಿಸ್ಎಂಗೇಜ್ಮೆಂಟ್ ಕೈಗೊಳ್ಳುವ ಬಗ್ಗೆ ಚರ್ಚೆ ನಡೆಸಲಾಯ್ತು. ಡಿಸ್ಎಂಗೇಜ್ಮೆಂಟ್ ಅಂದ್ರೆ ಸೇನಾ ಹಿಂತೆಗೆತ ಅಂತರ್ಥ. ಪ್ಯಾಂಗಾಂಗ್ ಸೋ ಲೇಕ್ ಬಳಿ ಶುಕ್ರವಾರ ಡಿಸ್ಎಂಗೇಜ್ಮೆಂಟ್ ಪ್ರಕ್ರಿಯೆ ಪೂರ್ಣಗೊಂಡಿತ್ತು. ಅದರ ಬೆನ್ನಲ್ಲೇ ಉಳಿದ ಕಡೆ ಕೂಡ ಅದೇ ರೀತಿ ಸೇನೆಯನ್ನ ಹಿಂದಕ್ಕೆ ಕರೆಸಿಕೊಳ್ಳಲು ಎರಡೂ ದೇಶಗಳು ಮುಂದಾಗಿವೆ. ಆದ್ರೆ ಸಭೆ ಯಶಸ್ವಿಯಾಯ್ತಾ? ಬೇರೆ ಕಡೆ ಕೂಡ ಡಿಸ್ಎಂಗೇಜ್ಮೆಂಟ್ಗೆ ಎರಡೂ ಸೇನೆಗಳು ಒಪ್ಪಿದ್ವಾ? ಸಭೆಯಲ್ಲಿ ಏನೆಲ್ಲಾ ನಿರ್ಧಾರ ಕೈಗೊಳ್ಳಲಾಯ್ತು? ಅನ್ನೋದು ಇನ್ನಷ್ಟೇ ಗೊತ್ತಾಗಬೇಕಿದೆ.
-masthmagaa.com
Contact Us for Advertisement