masthmagaa.com:
ಅಮೆರಿಕ ಅಧಿಕಾರಿಗಳು 2001ರ ಸೆಪ್ಟೆಂಬರ್ 11ರ ಭಯೋತ್ಪಾದಕ ದಾಳಿ ಸಂಬಂಧಿತ ದಾಖಲೆಗಳನ್ನು ಪುನರ್ ಪರಿಶೀಲನೆಗೆ ಮುಂದಾಗಿದ್ದಾರೆ. ಯಾಕಂದ್ರೆ ಇದಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ಬಹಿರಂಗಪಡಿಸಬೇಕು ಅಂತ ಸಂತ್ರಸ್ಥರ ಕುಟುಂಬಗಳಿಂದ ನಿರಂತರವಾಗಿ ಒತ್ತಾಯ ಕೇಳಿ ಬರ್ತಿದೆ. ಹೀಗಾಗಿ ಈಗ ಮತ್ತೊಂದ್ಸಲ ಪುನರ್ ಪರಿಶೀಲನೆ ನಡೆಸಿ, ಯಾವೆಲ್ಲಾ ದಾಖಲೆಗಳನ್ನು ಬಹಿರಂಗಪಡಿಸಬಹುದು ಅಂತ ನಿರ್ಧರಿಸಲಿದ್ದಾರೆ. ನ್ಯೂಯಾರ್ಕ್ನ ದಕ್ಷಿಣ ಜಿಲ್ಲೆಯ ಅಟಾರ್ನಿಗೆ ಪತ್ರ ಬರೆದಿರೋ ಎಫ್ಬಿಐ, ತನಗಿರೋ ದಾಖಲೆಗಳನ್ನು ಗೌಪ್ಯವಾಗಿಡೋ ವಿಶೇಷ ಹಕ್ಕಿನ ಬಗ್ಗೆ ಪುನರ್ ಪರಿಶೀಲನೆ ನಡೆಸ್ತೀವಿ. ಮತ್ತು ಯಾವೆಲ್ಲಾ ದಾಖಲೆಗಳನ್ನು ಬಹಿರಂಗಪಡಿಸಬಹುದು ಅನ್ನೋದನ್ನ ನಿರ್ಧರಿಸ್ತೀವಿ ಅಂತ ಹೇಳಿದೆ. ಈ ದಾಳಿಯ ಸಂತ್ರಸ್ತರು ಮತ್ತು ಕುಟುಂಬಸ್ಥರು ದಾಳಿ ಹಿಂದೆ ಸೌದಿ ಅರೇಬಿಯಾ ಮತ್ತು ಇತರೆ ದೇಶಗಳ ಕೈವಾಡವೂ ಇದೆ ಅಂತ ಆರೋಪಿಸಿ ಕೋರ್ಟ್ನಲ್ಲಿ ಕಾನೂನು ಹೋರಾಟ ಮಾಡ್ತಿದ್ದಾರೆ. ದಾಖಲೆಗಳನ್ನು ಬಹಿರಂಗಪಡಿಸಲು ಕೇಳ್ತಿದ್ದಾರೆ. ಆದ್ರೆ ಈವರೆಗೆಗಿನ ಸರ್ಕಾರಗಳು ಈ ದಾಖಲೆಗಳು ದೇಶದ ರಹಸ್ಯ ದಾಖಲೆಗಳಾಗಿದ್ದು, ಅವುಗಳನ್ನು ಬಹಿರಂಗಪಡಿಸಲು ಸಾಧ್ಯವಿಲ್ಲ ಅಂತ ಹೇಳಿಕೊಂಡು ಬಂದಿದ್ರು. ಆದ್ರೀಗ ಇದೇ ಕಾನೂನು ಹೋರಾಟದಲ್ಲಿ ಎಫ್ಬಿಐ ಅಂದ್ರೆ ಫೆಡರಲ್ ಬ್ಯೂರೋ ಇನ್ವೆಸ್ಟಿಗೇಷನ್, ಯಾವೆಲ್ಲಾ ದಾಖಲೆಗಳನ್ನು ಬಹಿರಂಪಡಿಸಬಹುದು ಅನ್ನೋದನ್ನ ಪರಿಶೀಲಿಸ್ತೀವಿ ಅಂತ ಹೇಳಿದೆ. ಎಫ್ಬಿಐ ನಿರ್ಧಾರವನ್ನು ಅಮೆರಿಕ ಅಧ್ಯಕ್ಷ ಜೋ ಬೈಡೆನ್ ಕೂಡ ಸ್ವಾಗತಿಸಿದ್ದಾರೆ. ಅಂದಹಾಗೆ ಈ ದಾಳಿಯಲ್ಲಿ ಮೂರು ಸಾವಿರ ಜನ ಪ್ರಾಣ ಕಳೆದುಕೊಂಡಿದ್ರು.
-masthmagaa.com
Contact Us for Advertisement