masthmagaa.com:
ಯೆಮನ್ನಲ್ಲಿ ಸೌದಿ ಅರೇಬಿಯಾ ನೇತೃತ್ವದದಲ್ಲಿ ನಡೆದ ಏರ್ಸ್ಟ್ರೈಕ್ ಕಾರ್ಯಾಚರಣೆಯಲ್ಲಿ 130 ಮಂದಿ ಹೌತಿ ಬಂಡುಕೋರರು ಪ್ರಾಣ ಕಳ್ಕೊಂಡಿದ್ದಾರೆ. ಮಾರಿಬ್ ಪ್ರಾಂತ್ಯದಲ್ಲಿ ಹೌತಿಗಳನ್ನು ಗುರಿಯಾಗಿಸಿ ಈ ದಾಳಿ ನಡೆಸಲಾಗಿದೆ. ಕಳೆದ ತಿಂಗಳು ಮಾರಿಬ್ ಪ್ರಾಂತ್ಯವನ್ನು ವಶಕ್ಕೆ ಪಡೆಯಲು ಹೌತಿಗಳು ಯತ್ನಿಸುತ್ತಿದ್ದು, ನಿರಂತರವಾಗಿ ಸಂಘರ್ಷ ನಡೆಯುತ್ತಲೇ ಇದೆ. ಕಳೆದೊಂದು ತಿಂಗಳಲ್ಲಿ ನೂರಾರು ಹೌತಿ ಬಂಡುಕೋರರು ಮತ್ತು ಯೆಮನ್ ಸರ್ಕಾರ ಬೆಂಬಲಿತ ಜನ ಪ್ರಾಣ ಕಳ್ಕೊಂಡಿದ್ದಾರೆ. ಮಾರಿಬ್ನ ಅಬ್ದಿಯಾದಲ್ಲಿ ನಿರಂತರ ಏರ್ಸ್ಟ್ರೈಕ್ ನಡೆಸುತ್ತಿದ್ದು, ನಿನ್ನೆ 150 ಮಂದಿ ಮತ್ತು ಇವತ್ತು 134 ಮಂದಿ ಪ್ರಾಣ ಬಿಟ್ಟಿದ್ದಾರೆ ಅಂತ ಸೌದಿ ನೇತೃತ್ವದ ಸೇನಾ ಒಕ್ಕೂಟ ಮಾಹಿತಿ ನೀಡಿದೆ. ಇದ್ರ ನಡುವೆಯೇ ಹೌತಿ ಬಂಡುಕೋರರು ಮಾರಿಬ್ ಪ್ರಾಂತ್ಯದ ಅಲ್ ಜಾವ್ಬಾಹ್ ಜಿಲ್ಲೆಯನ್ನು ವಶಕ್ಕೆ ಪಡೆದಿದ್ದಾರೆ. ಇಲ್ಲಿ 2014ರಿಂದಲೂ ನಾಗರಿಕ ಯುದ್ಧ ನಡೀತಾನೇ ಇದೆ. ಕಳೆದ 7 ವರ್ಷಗಳಲ್ಲಿ ಸಾವಿರಾರು ಜನ ಪ್ರಾನ ಕಳ್ಕೊಂಡಿದ್ದು, ಲಕ್ಷಾಂತರ ಜನ ನಿರಾಶ್ರಿತರಾಗಿದ್ದಾರೆ. ಯೆಮನ್ ಸರ್ಕಾರಕ್ಕೂ ಹೌತಿಗಳಿಗೂ ಆಗಿ ಬರೋದಿಲ್ಲ. ಹೌತಿಗಳು ಇರಾನ್ ಬೆಂಬಲದಿಂದ ಯೆಮನ್ನಲ್ಲಿ ಅಧಿಕಾರ ವಶಕ್ಕೆ ಪಡೆಯಲು ಯತ್ನಿಸುತ್ತಿದ್ರೆ, ಯೆಮನ್ ಸರ್ಕಾರಕ್ಕೆ ಸೌದಿ ನೇತೃತ್ವದ ಸೇನಾ ಒಕ್ಕೂಟ ಬೆಂಬಲ ನೀಡ್ತಾ ಬಂದಿದೆ.
-masthmagaa.com
Contact Us for Advertisement