masthmagaa.com:
ವಿಶ್ವ ಆರೋಗ್ಯ ಸಂಸ್ಥೆ ಚೀನಾದಲ್ಲಿ ಕೊರೋನಾದ ಮೂಲ ಹುಡುಕೋ ತನ್ನ ತನಿಖೆಯನ್ನು ಇವತ್ತು ಅಂತ್ಯಗೊಳಿಸಿದೆ. ಆದ್ರೆ ಈ ತಂಡಕ್ಕೆ ಕೊರೋನಾದ ಮೂಲಕ್ಕೆ ಸಂಬಂಧಿಸಿದಂತೆ ಯಾವುದೇ ಮಾಹಿತಿ ಸಿಕ್ಕಿಲ್ಲ. ಮಾರ್ಕೆಟ್, ಲ್ಯಾಬ್, ಆಸ್ಪತ್ರೆಗೆ ಸೇರಿದಂತೆ ಎಲ್ಲಾ ಕಡೆಗೆ ತಿರುಗಾಡಿ ಪರಿಶೀಲನೆ ನಡೆಸಿದ್ರೂ ಕೂಡ ಯಾವ ಪ್ರಾಣಿಗೆ ಮೊದಲ ಬಾರಿಗೆ ಕೊರೋನಾ ತಗುಲಿತು ಅನ್ನೋದನ್ನು ಪತ್ತೆಹಚ್ಚಲು ಸಾಧ್ಯವಾಗಿಲ್ಲ. ಲ್ಯಾಬ್ನಲ್ಲಿ ಕೊರೋನಾ ಹುಟ್ಟಿತ್ತು ಅನ್ನೋ ವಾದದನ್ನು ಕೂಡ ಈ ತಂಡ ನಿರಾಕರಿಸಿದೆ.
ಜೊತೆಗೆ ಕೊರೋನಾ ಚೀನಾಗೆ ಹೊರದೇಶದಿಂದ ಬಂದಿದೆ ಅನ್ನೋ ವಾದವನ್ನು ಸಮರ್ಥಿಸಿಕೊಂಡಿರೋ ತಂಡ, ಆಸ್ಟ್ರೇಲಿಯಾದಿಂದ ಬಂದ ಬೀಫ್ ಮೂಲಕ ಕೊರೋನಾ ಚೀನಾಗೆ ಹರಡಿಸಬಹುದು ಅಂತ ಹೇಳಿದೆ. ಈ ಮೂಲಕ ಇಷ್ಟು ದಿನ ತನಿಖೆ ನಡೆಸಿದ ಬಳಿಕವೂ ಸರಿಯಾಗಿ ಕೊರೋನಾದ ಮೂಲ ಪತ್ತೆಹಚ್ಚದೇ ವಾಪಸ್ ಹೊರಟಿದೆ. ಒಂದು ವರ್ಷ ಆದ್ಮೇಲೆ ಕೊರೋನಾ ಮೂಲ ಹುಡುಕೋಕೆ ಆಗುತ್ತಾ..? ಅದು ಚೀನಾದಂತ ದೇಶದಲ್ಲಿ..
-masthmagaa.com
Contact Us for Advertisement