masthmagaa.com:
ದೇಶದಲ್ಲಿ ದಿಢೀರ್ ಅಂತ ಕೊರೋನಾ ಕೇಸಸ್ ಹೆಚ್ಚಾದ ಬೆನ್ನಲ್ಲೇ ಕೇಂದ್ರ ಆರೋಗ್ಯ ಇಲಾಖೆ ಇವತ್ತು ಸುದ್ದಿಗೋಷ್ಠಿ ನಡೆಸಿ ಕೆಲವೊಂದು ಮಾಹಿತಿ ನೀಡಿದೆ. ಕಳೆದ ವಾರ ಭಾರತದಲ್ಲಿ ಡೈಲಿ ಸರಾಸರಿ 8,000 ಕೇಸ್ ಬರ್ತಿತ್ತು. ಡಿಸೆಂಬರ್ 26ರ ಬಳಿಕ ಡೈಲಿ ಎವರೇಜ್ ಆಗಿ 10,000 ಕೇಸ್ ಬರ್ತಿದೆ ಎಂದಿದ್ದಾರೆ. ಮುಂಬೈ, ಪುಣೆ, ಥಾಣೆ, ಬೆಂಗಳೂರು, ಚೆನ್ನೈ, ಗುರುಗ್ರಾಮಗಳಲ್ಲಿ ಕೊರೋನಾ ಏರಿಕೆಯಾಗಿದೆ. ದೇಶದ 8 ಜಿಲ್ಲೆಗಳಲ್ಲಿ ವೀಕ್ಲಿ ಪಾಸಿಟಿವಿಟಿ ರೇಟ್ 10 ಪರ್ಸೆಂಟ್ಗೂ ಹೆಚ್ಚಿದೆ. ಇದರಲ್ಲಿ ಆರು ಜಿಲ್ಲೆಗಳು ಮಿಜೋರಾಂನದ್ದೇ ಆಗಿವೆ, ಉಳಿದ ಒಂದೊಂದು ಜಿಲ್ಲೆಗಳು ಪಶ್ಚಿಮ ಬಂಗಾಳ ಮತ್ತು ಆಂಧ್ರಪ್ರದೇಶದ್ದು. ಇನ್ನುಳಿದಂತೆ ದೇಶದ 14 ಜಿಲ್ಲೆಗಳಲ್ಲಿ ವೀಕ್ಲಿ ಪಾಸಿಟಿವಿಟಿ ರೇಟ್ 5ರಿಂದ 10 ಪರ್ಸೆಂಟ್ ಇದೆ ಎಂದಿದೆ. ಇನ್ನು ವ್ಯಾಕ್ಸಿನ್ ಬಗ್ಗೆ ಮಾತನಾಡಿ, ಭಾರತ, ಅಮೆರಿಕ, ಚೀನಾ, ಇಸ್ರೇಲ್ ಎಲ್ಲಾ ಕಡೆ ಸಿಗೋ ಕೊರೋನಾ ಲಸಿಕೆಗಳು ಕೂಡ ಡಿಸೀಸ್ ಮಾಡಿಫೈಯಿಂಗ್. ಸೋಂಕು ಬರದಂತೆ ಲಸಿಕೆಗಳು ತಡೆಯಲ್ಲ. ಆದ್ರೆ ಅವು ರೋಗದ ತೀವ್ರತೆ, ಆಸ್ಪತ್ರೆಗೆ ದಾಖಲಾಗುವ ಪ್ರಮಾಣ ಮತ್ತು ಸಾವಿನ ಪ್ರಮಾಣವನ್ನ ಕಮ್ಮಿ ಮಾಡ್ತಾವೆ ಅಂತ ಹೇಳಿದೆ. ಇದರ ಜೊತೆಗೆ ಲಸಿಕೆ ಹಾಕೋ ಮೊದಲು ಮತ್ತು ಲಸಿಕೆ ಹಾಕಿದ ನಂತರೂ ಮಾಸ್ಕ್ ಧರಿಸಬೇಕು. ದೊಡ್ಡ ಮಟ್ಟದಲ್ಲಿ ಜನ ಸೇರಬಾರ್ದು. ಎಲ್ಲಾ ರೀತಿಯ ರೂಪಾಂತರಿಯ ಚಿಕಿತ್ಸೆಗೂ ಈ ಹಿಂದೆ ಜಾರಿ ಮಾಡಿದ್ದ ಟ್ರೀಟ್ಮೆಂಟ್ ಗೈಡ್ಲೈನ್ಸ್ ಅನ್ನೇ ಫಾಲೋ ಮಾಡಿ ಅಂತಾನೂ ಹೇಳಿದೆ. ಇದೇ ವೇಳೆ ಕೊರೋನಾ ಹೆಚ್ಚಾಗ್ತಿದ್ರೂ ರಾಜಕೀಯ ರ್ಯಾಲಿಗಳಲ್ಲಿ ಕೊರೋನಾ ನಿಯಮಗಳನ್ನ ಗಾಳಿಗೆ ತೂರಲಾಗ್ತಿದೆಯಲಾ ಅಂತ ಕೇಳಿದ್ದಕ್ಕೆ, ಇದು ಚುನಾವಣಾ ಆಯೋಗದ ವ್ಯಾಪ್ತಿಗೆ ಬರುತ್ತೆ, ಈ ವಿಷಯಕ್ಕೆ ಇದು ಸರಿಯಾದ ವೇದಿಕೆಯಲ್ಲ ಅಂತ ನೀತಿ ಆಯೋಗದ ಸದಸ್ಯ ಡಾ. ವಿಕೆ ಪೌಲ್ ಹೇಳಿದ್ದಾರೆ.
-masthmagaa.com
Contact Us for Advertisement