masthmagaa.com:
ಚೀನಾದ ಝೀರೋ ಕೊರೋನಾ ನೀತಿಯಿಂದಾಗಿ ಮತ್ತೊಂದು ನಗರ ಲಾಕ್ಡೌನ್ಗೆ ಒಳಗಾಗಿದೆ. ಹೆನಾನ್ ಪ್ರಾಂತ್ಯದ 11.17 ಲಕ್ಷ ಮಂದಿ ಜನ ವಾಸವಿರೋ ಯುಶೌ ನಗರವನ್ನು ಲಾಕ್ಡೌನ್ ಮಾಡಿದೆ. ನಿನ್ನೆ ಮಧ್ಯರಾತ್ರಿಯಿಂದ ಲಾಕ್ಡೌನ್ ಆದೇಶ ಜಾರಿಯಾಗಿದ್ದು, ಯಾರೂ ಹೊರಗೆ ಬರಬಾರದು ಅಂತ ಆದೇಶಿಸಲಾಗಿದೆ. ಕಳೆದ ಕೆಲ ದಿನಗಳಲ್ಲಿ ಈ ಭಾಗದ ಮೂರು ಮಂದಿಗೆ ಸೋಂಕು ತಗುಲಿದ್ದಕ್ಕೆ ಈ ಹೆಜ್ಜೆ ಇಟ್ಟಿದೆ ಚೀನಾ ಆಡಳಿತ.. ಇನ್ನು 1.3 ಕೋಟಿ ಜನಸಂಖ್ಯೆ ಹೊಂದಿರೋ ಶಿಯಾನ್ ನಗರ ಕೂಡ ಕಳೆದ ಹಲವು ದಿನಗಳಿಂದ ಲಾಕ್ಡೌನ್ಗೆ ಒಳಗಾಗಿದೆ. ಝೀರೋ ಕೊರೋನಾ ಜೊತೆಗೆ ಫೆಬ್ರವರಿಯಲ್ಲಿ ವಿಂಟರ್ ಒಲಿಂಪಿಕ್ಸ್ ನಡೆಯಲಿರೋದ್ರಿಂದ ಚೀನಾ ಇಟ್ಟು ಕಟ್ಟುನಿಟ್ಟಾಗಿ ಕೊರೋನಾ ತಡೆಗೆ ಕ್ರಮ ಕೈಗೊಳ್ತಿದೆ. ಅಂದಹಾಗೆ ಚೀನಾದಲ್ಲಿ ಕಳೆದ 24 ಗಂಟೆಯಲ್ಲಿ 175 ಮಂದಿಯಲ್ಲಿ ಕೊರೋನಾ ಸೋಂಕು ಪತ್ತೆಯಾಗಿದೆ.
-masthmagaa.com
Contact Us for Advertisement