masthmagaa.com:
ಬೀಟಾ ಮತ್ತು ಡೆಲ್ಟಾ ವೈರಾಣುಗಳ ವಿರುದ್ಧ ಭಾರತ್ ಬಯೋಟೆಕ್ನ ಕೋವ್ಯಾಕ್ಸಿನ್ ರಕ್ಷಣೆ ನೀಡುತ್ತೆ ಅಂತ ಸಂಶೋಧನೆಯಿಂದ ತಿಳಿದು ಬಂದಿದೆ. ಪುಣೆಯ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ವೈರಾಲಜಿ, ಇಂಡಿಯನ್ ಕೌನ್ಸಿಲ್ ಆಫ್ ಮೆಡಿಕಲ್ ರಿಸರ್ಚ್ ಮತ್ತು ಭಾರತ್ ಬಯೋಟೆಕ್ ಅಧ್ಯಯನದಲ್ಲಿ ಈ ವಿಚಾರ ಬಹಿರಂಗವಾಗಿದೆ. ಈ ಡೆಲ್ಟಾ ರೂಪಾಂತರಿ ಮೊದಲು ಭಾರತದಲ್ಲಿ ಪತ್ತೆಯಾದ್ರೆ, ಬೀಟಾ ರೂಪಾಂತರಿ ದಕ್ಷಿಣ ಆಫ್ರಿಕಾದಲ್ಲಿ ಮೊದಲು ಪತ್ತೆಯಾಗಿತ್ತು. ಕೊರೋನಾ ಬಂದು ರಿಕವರ್ ಆಗಿರೋ 20 ಮಂದಿ ಮತ್ತು ಎರಡು ಡೋಸ್ ಕೊರೋನಾ ಲಸಿಕೆ ಹಾಕಿಸಿಕೊಂಡ 17 ಮಂದಿಯ ಸ್ಯಾಂಪಲ್ ಪಡೆದು ಈ ಅಧ್ಯಯನ ನಡೆಸಲಾಗಿತ್ತು. ಜೊತೆಗೆ ಡೆಲ್ಟಾ ರೂಪಾಂತರಿ ಯುನೈಟೆಡ್ ಕಿಂಗ್ಡಮ್ನಲ್ಲಿ ಪತ್ತೆಯಾದ ಆಲ್ಫಾಗಿಂತ ಹೆಚ್ಚು ಸಾಂಕ್ರಮಣಕಾರಿ ಮತ್ತು 50 ಪರ್ಸೆಂಟ್ನಷ್ಟು ಹೆಚ್ಚು ಕಂಟೇಜಿಯಸ್ ಅಂತ ಸಂಶೋಧಕರು ಹೇಳಿದ್ದಾರೆ. ಆದ್ರೆ ಸಾವು ಮತ್ತು ಸೀರಿಯಸ್ ಆಗ್ತಿರೋರ ಸಂಖ್ಯೆ ಹೆಚ್ಚಳದ ಹಿಂದೆ ಡೆಲ್ಟಾ ಪಾತ್ರ ಇರೋದಕ್ಕೆ ಯಾವುದೇ ಸಾಕ್ಷ್ಯ ಸಿಕ್ಕಿಲ್ಲ ಅಂತ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ಆದ್ರೆ ಇದೇ ವೇಳೆ ಏಮ್ಸ್ ಮತ್ತು ಎನ್ಸಿಡಿಸಿ ಅಂದ್ರೆ ನ್ಯಾಷನಲ್ ಸೆಂಟರ್ ಫರ್ ಡಿಸೀಸ್ ಕಂಟ್ರೋಲ್ ನಡೆಸಿರೋ ಅಧ್ಯಯನದಲ್ಲಿ ಕೋವಿಶೀಲ್ಡ್ ಮತ್ತು ಕೋವ್ಯಾಕ್ಸಿನ್ ಲಸಿಕೆ ಎರಡು ಡೋಸ್ ಹಾಕಿಸಿಕೊಂಡ ಬಳಿಕವೂ ಡೆಲ್ಟಾ ವೈರಾಣು ಅಟಕಾಯಿಸಿಕೊಳ್ಳುತ್ತೆ ಅಂತ ಹೇಳಿದೆ.
-masthmagaa.com
Contact Us for Advertisement