masthmagaa.com:
ಕೆಂಪು ಬಣ್ಣದಿಂದ ಕೇಸರಿ ಬಣ್ಣಕ್ಕೆ ಬದಲಾದ ದೂರದರ್ಶನದ ಲೋಗೋ ವಿಚಾರ ದೇಶದಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ಇವೆಲ್ಲದ್ರ ಮಧ್ಯೆ ಇದೀಗ… ಪ್ರಸಾರ ಭಾರತಿಯಲ್ಲಿ ಕೇವಲ ಲೋಗೋ ಬಣ್ಣ ಮಾತ್ರವಲ್ಲ… ಬದಲಿಗೆ ಇನ್ನು ಸಾಕಷ್ಟು ಬದಲಾವಣೆಗಳು ಮಾಡೋಕೆ ಬಾಕಿ ಇದೆ… ಅದಕ್ಕೆಲ್ಲಾ ಮೋದಿ ಸರ್ಕಾರ ಪ್ಲಾನ್‌ ಹಾಕ್ತಿದೆ ಅನ್ನೋ ಮಾಹಿತಿ ಹೊರ ಬಿದ್ದಿದೆ. ಎಸ್‌…. ಕೆಲ ಮೂಲಗಳ ಪ್ರಕಾರ ಈಗ ನಡೀತಿರೋ ಲೋಕಸಭಾ ಚುನಾವಣೆಯಲ್ಲಿ ಪ್ರಧಾನಿ ಮೋದಿಯವ್ರು ಗೆದ್ದು…ಮೂರನೇ ಬಾರಿಯೂ ಅಧಿಕಾರದ ಚುಕ್ಕಾಣಿ ಹಿಡಿದ್ರೆ, ಡಿಡಿ ಇಂಡಿಯಾ ಗ್ಲೋಬಲ್‌ ಬ್ರಾಂಡ್‌ ಆಗಿ ಅಭಿವೃದ್ಧಿ ಆಗಲಿದ್ದು, 15 ದೇಶಗಳಲ್ಲಿ ಅದ್ರ ಬ್ಯುರೋ ನಿರ್ಮಾಣವಾಗಲಿದೆ. ಇನ್ನು ಇತ್ತೀಚೆಗಷ್ಟೇ ಕಾರ್ಯರೂಪಕ್ಕೆ ಬಂದಿರೋ ಪ್ರಸಾರ ಭಾರತಿಯ ʻಶಬ್ದ್‌ʼ ಪೋರ್ಟಲ್‌ ಜಾಗತಿಕ ಸುದ್ದಿ ಸಂಸ್ಥೆಯಾಗಿ ಡೆವಲಪ್‌ ಆಗಲಿದೆ. ವಿದೇಶಿ ಸಂಸ್ಥೆಗಳನ್ನ ಸೇರಿ 1000ಕ್ಕೂ ಅಧಿಕ ಮಾಧ್ಯಮ ಸಂಸ್ಥೆಗಳೊಂದಿಗೆ ಕೈ ಜೋಡಿಸಲಿದೆ. ಇನ್ನು ಕೇಂದ್ರ ಸರ್ಕಾರದ ಮಿನಿಸ್ಟ್ರಿ ಆಫ್‌ ಇನ್ಫರ್ಮೇಷನ್‌ & ಬ್ರಾಡ್‌ಕಾಸ್ಟಿಂಗ್‌ ಹಾಗೂ ʻಭಾರತ್‌ ನಮನ್‌ʼ ಪೋರ್ಟಲ್‌ AI ಟೂಲ್‌ನೊಂದಿಗೆ ಲಾಂಚ್‌ ಆಗಲಿದೆ. ಅಷ್ಟೇ ಅಲ್ದೇ ಇತ್ತೀಚೆಗೆ ಜಾಸ್ತಿಯಾಗ್ತಿರೋ ಫೇಕ್‌ ನ್ಯೂಸ್‌ಗಳ ವಿರುದ್ಧ ಜಾಗೃತಿ ಮೂಡಿಸಲು ಕೇಂದ್ರ ಸರ್ಕಾರದ PIB ಅಂದ್ರೆ ಪ್ರೆಸ್‌ ಇನ್ಫರ್ಮೇಷನ್‌ ಬ್ಯುರೋದ ʻಫ್ಯಾಕ್ಟ್‌-ಚೆಕ್‌ ಯುನಿಟ್‌ʼ ವಿಸ್ತರಿಸಲಾಗುತ್ತೆ. ʻಗ್ಲೋಬಲ್‌ ಮೀಡಿಯಾ & ಎಂಟರ್‌ಟೈನ್‌ಮೆಂಟ್‌ʼ ಶೃಂಗಸಭೆ ಕೂಡ ನಡೆಸೋ ಪ್ಲಾನ್‌ ಇದೆ. ಜೊತೆಗೆ ಡಿಡಿ ಫ್ರೀ ಡಿಶ್‌ನ್ನ ನೆರೆಯ ದೇಶಗಳಿಗೂ ವಿಸ್ತರಿಸಿ…ಅದ್ರಲ್ಲಿರೋ ಚಾನಲ್ಸ್‌ ಸಂಖ್ಯೆ ಹೆಚ್ಚಿಸೋ ಗುರಿಯನ್ನ ಕೂಡ ಮೋದಿ ಸರ್ಕಾರ 3.0 ಹೊಂದಿದೆ ಎನ್ನಲಾಗ್ತಿದೆ.
-masthmagaa.com
Contact Us for Advertisement