masthmagaa.com:
ಸ್ಪೇಸ್ ಎಕ್ಸ್ ಸಂಸ್ಥೆಯ ಮುಖ್ಯಸ್ಥ ಎಲಾನ್ ಮಸ್ಕ್ ಕಾರು ಕಂಪನಿ ಟೆಸ್ಲಾದಲ್ಲಿ ತಾವು ಹೊಂದಿದ್ದ 1.1 ಬಿಲಿಯನ್ ಮೊತ್ತದ ಷೇರುಗಳನ್ನು ಮಾರಿದ್ದಾರೆ. ನವೆಂಬರ್ 7ರಂದು ಈ ಬಗ್ಗೆ ಟ್ವೀಟ್ ಮಾಡಿದ್ದ ಎಲಾನ್ ಮಸ್ಕ್, ತೆರಿಗೆ ಕಟ್ಟೋ ಕಾರಣದಿಂದಾಗಿ 10 ಪರ್ಸೆಂಟ್ ಮಾರಾಟ ಮಾಡೋಕೆ ಯೋಚಿಸ್ತಿದ್ದೀನಿ. ನೀವ್ ಏನ್ ಹೇಳ್ತೀರಿ ಅಂತ ಫಾಲೋವರ್ಸ್ಸ್ ಬಳಿ ಕೇಳಿದ್ರು. ಅಂದ್ರೆ ಸಮೀಕ್ಷೆಗೆ ಮುಂದಾಗಿದ್ರು. ಟ್ವಿಟ್ಟರ್ನಲ್ಲಿ ಅವರಿಗೆ 6.2 ಕೋಟಿ ಜನ ಫಾಲೋವರ್ಗಳಿದ್ದಾರೆ. ಅದ್ರಲ್ಲಿ 57 ಪರ್ಸೆಂಟ್ ಜನ ಷೇರು ಮಾರಾಟ ಮಾಡಿ ಅಂತ ಅಭಿಪ್ರಾಯ ವ್ಯಕ್ತಪಡಿಸಿದ್ರು. ಅದ್ರ ಬೆನ್ನಲ್ಲೇ ಎಲಾನ್ ಮಸ್ಕ್ ಷೇರು ಮಾರಾಟ ಮಾಡಿರೋ ಸುದ್ದಿ ಹೊರಬಿದ್ದಿದೆ. ಆದ್ರೆ ದಾಖಲೆಗಳಲ್ಲಿ ಸೆಪ್ಟೆಂಬರ್ 24ರಂದೇ ಷೇರುಗಳ ಮಾರಾಟವಾಗಿರೋ ಬಗ್ಗೆ ಮಾಹಿತಿ ಇದ್ದು, ಟ್ವೀಟ್ನಲ್ಲಿ ನಡೆಸಿದ ಸಮೀಕ್ಷೆಯಿಂದ ಈ ನಿರ್ಧಾರ ತೆಗೆದುಕೊಂಡಿಲ್ಲ ಅನ್ನೋದು ಸ್ಪಷ್ಟವಾಗಿದೆ. ಇನ್ನು ಎಲಾನ್ ಮಸ್ಕ್ ಷೇರು ಮಾರಾಟದಿಂದ ಟೆಸ್ಲಾ ಕಂಪನಿಯ ಷೇರುಗಳ ಬೆಲೆಯಲ್ಲಿ ಭಾರಿ ಇಳಿಕೆಯಾಗಿದ್ದು, ನಷ್ಟ ಅನುಭವಿಸಿದೆ.
-masthmagaa.com
Contact Us for Advertisement