ಮಯನ್ಮಾರ್‌ ಸೇನೆಯನ್ನು ನಿರ್ಬಂಧಿಸಿದ ಫೇಸ್‌ಬುಕ್!

masthmagaa.com:

ಮಯನ್ಮಾರ್​ನಲ್ಲಿ ಮಿಲಿಟರಿ ಸರ್ಕಾರದ ವಿರುದ್ಧ ಪ್ರತಿಭಟನೆ ಜೋರಾಗಿದೆ. ಈ ನಡುವೆ ಫೇಸ್​​ಬುಕ್., ಮಯನ್ಮಾರ್ ಮಿಲಿಟರಿಯನ್ನು ಫೇಸ್​​​ಬುಕ್ ಮತ್ತು ಇನ್​ಸ್ಟಾ ಗ್ರಾಂನಿಂದ ದೂರ ಇಟ್ಟಿದೆ. ಮಿಲಿಟರಿ ಈ ಎರಡೂ ಸೋಷಿಯಲ್ ಮೀಡಿಯಾ ಬಳಸದಂತೆ, ತಕ್ಷಣದಿಂದಲೇ ಜಾರಿಗೆ ಬರುವಂತೆ ನಿರ್ಬಂಧ ವಿಧಿಸಿದೆ. ಫೆಬ್ರವರಿ 1ರ ಕ್ಷಿಪ್ರಕ್ರಾಂತಿಯ ಬಳಿಕ ನಡೆದ ಘಟನೆಗಳು, ಮಾರಣಾಂತಿಕ ಹಿಂಸಾಚಾರ ಈ ನಿರ್ಬಂಧ ವಿಧಿಸುವಂತೆ ಮಾಡಿವೆ.

ಮಯನ್ಮಾರ್ ಸೇನೆಗೆ ಅವಕಾಶ ನೀಡೋದು ಅತಿದೊಡ್ಡ ರಿಸ್ಕ್​ ಆಗಲಿದೆ ಅಂತ ಕೂಡ ಹೇಳಿಕೊಂಡಿದೆ. ನವೆಂಬರ್ 8ರಂದು ನಡೆದಿದ್ದ ಚುನಾವಣೆಯಲ್ಲಿ ಅಕ್ರಮ ನಡೆದಿದೆ ಅಂತ ಆರೋಪ ಮಾಡಿ, ಫೆಬ್ರವರಿ 1ರಂದು ಬಂಡೆದ್ದ ಸೇನೆ ರಾಜಕೀಯ ನಾಯಕರನ್ನು ಅರೆಸ್ಟ್ ಮಾಡಿ, ಆಡಳಿತ ವಶಕ್ಕೆ ತೆಗೆದುಕೊಂಡಿತ್ತು. ನಂತರದಲ್ಲಿ ಈವರೆಗೆ ಮೂವರು ಪ್ರತಿಭಟನಾಕಾರರು, ಓರ್ವ ಪೊಲೀಸ್ ಕೂಡ ಸಾವನ್ನಪ್ಪಿದ್ದಾರೆ. ಹೀಗಾಗಿ ಫೇಸ್​ಬುಕ್ ಈ ಕ್ರಮಕೈಗೊಂಡಿದೆ. ಇದ್ರ ಜೊತೆಗೆ ಮಯನ್ಮಾರ್ ಸೇನೆಗೆ ಸಂಬಂಧಿಸಿದ ಉದ್ಯಮ ಸಂಸ್ಥೆಗಳ ಜಾಹೀರಾತುಗಳನ್ನು ಕೂಡ ನಿರ್ಬಂಧಿಸಿದೆ.

-masthmagaa.com