masthmagaa.com:
ಅನಾರೋಗ್ಯದಿಂದ ಬಳಲುತ್ತಿದ್ದ ಫಿಲಿಪ್ಪೀನ್ಸ್ನ ಮಾಜಿ ಅಧ್ಯಕ್ಷ ಬೆನಿಗ್ನೊ ಅಖಿನೋ ನಿಧನರಾಗಿದ್ದಾರೆ. ಅವರಿಗೆ 61 ವರ್ಷ ವಯಸ್ಸಾಗಿತ್ತು. 2010ರಿಂದ 2016ರವರೆಗೆ ಫಿಲಿಪ್ಪೀನ್ಸ್ ಅಧ್ಯಕ್ಷರಾಗಿದ್ದ ಇವರು, ಭ್ರಷ್ಟಾಚಾರ ನಿರ್ಮೂಲನೆಗೆ ಹಲವು ಕ್ರಮಗಳನ್ನ ಕೈಗೊಂಡ್ರು. ತೆರಿಗೆಗಳ್ಳರ ವಿರುದ್ಧ ಸಮರ ಸಾರಿದ್ರು. ಅವ್ಯವಹಾರ ನಡೆಸಿದ ಮಾಜಿ ತೆರಿಗೆ ಅಧಿಕಾರಿಗಳ ವಿರುದ್ಧ ಕ್ರಿಮಿನಲ್ ಕೇಸ್ಗಳನ್ನ ಜಡಿದ್ರು. ಫಿಲಿಪ್ಪೀನ್ಸ್ನ ಆರ್ಥಿಕತೆಯನ್ನ ಮೇಲಕ್ಕೆತ್ತಿದ್ರು. ಈ ಮೂಲಕ ‘ಸಿಕ್ ಮ್ಯಾನ್ ಆಫ್ ಏಷ್ಯಾ’ ಅನ್ನೋ ಹಣೆಪಟ್ಟಿಯಿಂದ ಫಿಲಿಪ್ಪೀನ್ಸ್ ಅನ್ನ ಹೊರತೆಗೆದ್ರು. ಇವರ ತಾಯಿ ಕೊರಝಾನ್ ಅಖಿನೋ ಕೂಡ ಫಿಲಿಪ್ಪೀನ್ಸ್ ಅಧ್ಯಕ್ಷರಾಗಿದ್ರು. ಬೆನಿಗ್ನೋ ಅಖಿನೋ ಅವರ ತಂದೆಯನ್ನ 1983ರಲ್ಲಿ ಮನಿಲಾ ಏರ್ಪೋರ್ಟ್ನಲ್ಲಿ ಹತ್ಯೆ ಮಾಡಲಾಗಿತ್ತು.
-masthmagaa.com
Contact Us for Advertisement