masthmagaa.com:
ಆಸ್ಕರ್ ಕಾರ್ಯಕ್ರಮದಲ್ಲಿ ಕಾಮಿಡಿಯನ್ ಕ್ರಿಸ್ ರಾಕ್ಗೆ ಕೆನ್ನೆಗೆ ಬಾರಿಸಿದ್ದ ನಟ ವಿಲ್ ಸ್ಮಿತ್ ಬಹಿರಂಗವಾಗಿ ಕ್ಷಮೆಯಾಚಿಸಿದ್ಧಾರೆ. ಕಾರ್ಯಕ್ರಮದಲ್ಲಿ ವಿಲ್ ಸ್ಮಿತ್ಗೆ ಬೆಸ್ಟ್ ನಟ ಅನ್ನೋ ಪ್ರಶಸ್ತಿ ಸಿಕ್ಕಿತ್ತು. ಆದ್ರೆ ಅವರ ಪತ್ನಿಯ ಹೇರ್ ಸ್ಟೈಲ್ ಬಗ್ಗೆ ಕ್ರಿಸ್ ರಾಕ್ ಮಾತನಾಡಿದಾಗ ಕೋಪಗೊಂಡ ವಿಲ್ ಸ್ಮಿತ್, ನೇರವಾಗಿ ಸ್ಟೇಜ್ಗೆ ಹೋಗಿ ಕ್ರಿಸ್ ರಾಕ್ ಕೆನ್ನೆಗೆ ಬಾರಿಸಿದ್ರು. ಈ ಬಗ್ಗೆ ಈಗ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿರೋ ನಟ ವಿಲ್ ಸ್ಮಿತ್, ನಾನು ಬಹಿರಂಗವಾಗಿ ಕ್ಷಮೆಯಾಚಿಸಲು ಬಯಸ್ತೀನಿ. ನಾನು ಕಂಟ್ರೋಲ್ ಕಳ್ಕೊಂಡಿದ್ದೆ. ತಪ್ಪು ನಂದೇ.. ನನ್ನ ಕೆಲಸದಿಂದ ನನಗೇ ನಾಚಿಕೆಯಾಗಿದೆ.. ಹಿಂಸೆ ಯಾವುದೇ ರೀತಿಯದ್ದಾಗಿದ್ದರೂ ಅದು ಅಕ್ಷಮ್ಯ.. ಒಪ್ಪಿಕೊಳ್ಳಲು ಸಾಧ್ಯವಿಲ್ಲ.. ಜೋಕ್ಸ್ ನನ್ನ ಕೆಲಸದ ಒಂದು ಭಾಗವೇ.. ಆದ್ರೆ ನನ್ನ ಪತ್ನಿಯ ಮೆಡಿಕಲ್ ಕಂಡೀಷನ್ ಕುರಿತ ಜೋಕ್ ಸಹಿಸಲು ಸಾಧ್ಯವಾಗಲಿಲ್ಲ.. ಎಮೋಷನಲ್ ಆಗಿ ರಿಯಾಕ್ಟ್ ಮಾಡಿದೆ ಅಂತ ಹೇಳಿದ್ದಾರೆ. ಅಂದಹಾಗೆ ಅವರ ಪತ್ನಿಗೆ ಆರೋಗ್ಯದ ಸಮಸ್ಯೆ ಇದ್ದು, ಕೂದಲಿನ ಸಮಸ್ಯೆ ಇದೆ. ಇದನ್ನೇ ಕ್ರಿಸ್ ರಾಕ್ ಕಾಮಿಡಿ ಮಾಡಿ ಮಾತಾಡಿದ್ರು. ಇನ್ನು ಆಸ್ಕರ್ ಸಂಸ್ಥೆ ಕೂಡ ಘಟನೆಯನ್ನು ಖಂಡಿಸಿದ್ದು, ಈ ಬಗ್ಗೆ ಪರಿಶೀಲನೆಗೆ ಸೂಚಿಸಿದೆ.
-masthmagaa.com
Contact Us for Advertisement