masthmagaa.com:
ನಮ್ಮ ದೇಶವನ್ನ ಕಾಡ್ತಿರೋ ಪ್ರಮುಖ ಸಮಸ್ಯೆಗಳಲ್ಲಿ ನಿರುದ್ಯೋಗ ಒಂದು. ಹಾಗಿದ್ರೆ ಅತಿಹೆಚ್ಚು ನಿರುದ್ಯೋಗ ಪ್ರಮಾಣ ಇರೋದು ಯಾವ ರಾಜ್ಯದಲ್ಲಿ ಎಲ್ಲಿ, ಅತಿಕಮ್ಮಿ ಇರೋದೆಲ್ಲಿ ಗೊತ್ತಾ.. ಅಂದ್ಹಾಗೆ ನಿರುದ್ಯೋಗ ಪ್ರಮಾಣಕ್ಕೆ ಸಂಬಂಧಿಸಿದಂತೆ ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ – CMIE ಪ್ರತಿದಿನ, ಪ್ರತಿ ವಾರ, ಪ್ರತಿ ತಿಂಗಳು, ಪ್ರತಿವರ್ಷ ಅಂಕಿ ಅಂಶವನ್ನ ಮೆಂಟೇನ್ ಮಾಡುತ್ತೆ. ಅದು ಬಿಡುಗಡೆ ಮಾಡಿರೋ ರಿಪೋರ್ಟ್ ಪ್ರಕಾರ ಆಗಸ್ಟ್ನಲ್ಲಿ, ಹರಿಯಾಣ ಮತ್ತು ರಾಜಸ್ಥಾನದಲ್ಲಿ ಅತಿಹೆಚ್ಚು ನಿರುದ್ಯೋಗ ಪ್ರಮಾಣ ಇತ್ತು. ಹರಿಯಾಣದಲ್ಲಿ 35 ಪರ್ಸೆಂಟ್, ರಾಜಸ್ಥಾನದಲ್ಲಿ 26 ಪರ್ಸೆಂಟ್. ಅದ್ಬಿಟ್ರೆ ಜಾರ್ಖಂಡ್, ತ್ರಿಪುರ, ಜಮ್ಮು-ಕಾಶ್ಮೀರ, ಬಿಹಾರ, ಗೋವಾ ಮತ್ತು ದೆಹಲಿ – 10 ಪರ್ಸೆಂಟ್ಗೂ ಹೆಚ್ಚು ನಿರುದ್ಯೋಗ ಪ್ರಮಾಣ ಹೊಂದಿವೆ. ಕರ್ನಾಟಕದಲ್ಲಿ 1.5 ಪರ್ಸೆಂಟ್ – ತುಂಬಾ ಕಮ್ಮಿ ನಿರುದ್ಯೋಗ ಪ್ರಮಾಣ ಇದೆ ಅಂತ ಈ ರಿಪೋರ್ಟ್ ಹೇಳಿದೆ. ಸಿಕ್ಕಿಂನಲ್ಲಿ ಝೀರೋ ಪರ್ಸೆಂಟ್ ಇದೆ. ಓವರಾಲ್ ದೇಶದಲ್ಲಿ 8.2 ಪರ್ಸೆಂಟ್ ಇತ್ತು. ಇದರಲ್ಲಿ ನಗರ ಪ್ರದೇಶದಲ್ಲಿ 9.78 ಪರ್ಸೆಂಟ್, ಗ್ರಾಮೀಣ ಪ್ರದೇಶದಲ್ಲಿ 7.64 ಪರ್ಸೆಂಟ್ ನಿರುದ್ಯೋಗ ಪ್ರಮಾಣ ಇದೆ.
-masthmagaa.com
Contact Us for Advertisement