masthmagaa.com:
ಕಿಮ್ ಜಾಂಗ್ ಉನ್ ಉತ್ತರ ಕೊರಿಯಾ ಹಾಗೂ ಇರಾನ್ ಸೇರಿಕೊಂಡು ಪರಮಾಣು ಶಸ್ತ್ರಾಸ್ತ್ರಗಳನ್ನ ಅಭಿವೃದ್ಧಿ ಮಾಡ್ತಿದ್ದಾರೆ ಅಂತಾ ವರದಿಯಾಗಿದೆ. ವಿಶೇಷವಾಗಿ ಪರಮಾಣು ಖಂಡಾಂತರ ಕ್ಷಿಪಣಿಗಳನ್ನ ತಯಾರಿಸೋಕೆ ಎರಡೂ ದೇಶಗಳು ಸೀಕ್ರೆಟ್ ಒಪ್ಪಂದ ಮಾಡಿಕೊಂಡಿವೆ ಅಂತಾ ವಿಶ್ವಸಂಸ್ಥೆಯ ಭದ್ರತಾ ಮಂಡಳಿಗೆ ಸಲ್ಲಿಕೆಯಾಗಿರೋ ರಿಪೋರ್ಟ್ನಲ್ಲಿ ಹೇಳಲಾಗಿದೆ. ವಿಶ್ವಸಂಸ್ಥೆ ಭದ್ರತಾ ಮಂಡಳಿಯ ಸ್ವತಂತ್ರ ಎಕ್ಸ್ಪರ್ಟ್ಗಳೇ ಈ ವರದಿ ಸಲ್ಲಿಕೆ ಮಾಡಿದ್ದಾರೆ. ಆದ್ರೆ ಇರಾನ್ ಈ ಆರೋಪಗಳನ್ನ ನಿರಾಕರಿಸಿದೆ. ಈ ತಂಡದ ವರದಿ ಸಂಪೂರ್ಣ ಕಾಲ್ಪನಿಕ ಅಂತಾ ಇರಾನ್ ಹೇಳಿದೆ. ಉತ್ತರ ಕೊರಿಯಾ ಹಾಗೂ ಇರಾನ್ ಎರಡೂ ದೇಶಗಳ ಮೇಲೆ ಪರಮಾಣು ಅಸ್ತ್ರದ ವಿಚಾರದಲ್ಲಿ ಅಮೆರಿಕ ಕಣ್ಣಿಟ್ಟಿದೆ.
ಉತ್ತರ ಕೊರಿಯಾ ಈಗಾಗಲೇ ಚೀನಾ ರಕ್ಷಣೆಯಲ್ಲಿ, ಚೀನಾದ ಗುಪ್ತ ಬೆಂಬಲದಿಂದ ಪರಮಾಣು ಅಸ್ತ್ರ ತಯಾರಿಸಿ ಆಗಿದೆ. ಆದ್ರೆ ಇರಾನ್ ಇನ್ನೂ ಕೂಡ ಪೂರ್ಣ ಪ್ರಮಾಣದಲ್ಲಿ ಪರಮಾಣು ಅಸ್ತ್ರದ ಸಾಮರ್ಥ್ಯ ಗಳಸಿಕೊಳ್ಳೋಕೆ ಸೀಕ್ರೆಟ್ಟಾಗಿ ಪ್ರಯತ್ನ ಮಾಡ್ತಾನೆ ಇದೆ. ಅಮೆರಿಕ ಇದನ್ನ ತಡೆಯೋ ಎಲ್ಲಾ ಪ್ರಯತ್ನನೂ ಮಾಡ್ತಾಇದೆ. ಇದೇ ಸಂದರ್ಭದಲ್ಲಿ ಉತ್ತರ ಕೊರಿಯಾದಂತ ಅಪಾಯಕಾರಿ ದೇಶ ಇರಾನ್ ಜೊತೆ ಕೈಜೋಡಿಸಿದೆ ಅಂತಾ ವಿಶ್ವಸಂಸ್ಥೆ ತಜ್ಞರ ತಂಡ ವರದಿ ಮಾಡಿರೋದು ಚಿಂತೆಯ ವಿಚಾರ.
-masthmagaa.com
Contact Us for Advertisement