masthmagaa.com:
ಇಸ್ರೇಲ್ ಮೇಲೆ ಸಿರಿಯಾ ಮಿಸೈಲ್ ದಾಳಿಗೆ ಯತ್ನಿಸಿದೆ. ಸಿರಿಯಾದಿಂದ ಹಾರಿಸಲಾದ ಮಿಸೈಲ್ ಒಂದು ಇಸ್ರೇಲ್ನ ರಹಸ್ಯ ನ್ಯೂಕ್ಲಿಯರ್ ಘಟಕ ಇರೋ ಪ್ರದೇಶಕ್ಕೆ ಹತ್ತಿರದಲ್ಲೇ ಹೋಗಿ ಬಿದ್ದಿದೆ. ಇದ್ರಲ್ಲಿ ನಾಲ್ವರು ಯೋಧರು ಕೂಡ ಗಾಯಗೊಂಡಿದ್ದಾರೆ ಅಂತ ಸೇನೆ ಮಾಹಿತಿ ನೀಡಿದೆ.. ಅದ್ರ ಬೆನ್ನಲ್ಲೇ ಮರು ದಾಳಿ ನಡೆಸಿರೋ ಇಸ್ರೇಲ್, ಸಿರಿಯಾದ ಮಿಸೈಲ್ ಲಾಂಚರ್ ಮತ್ತು ಏರ್ ಡಿಫೆನ್ಸ್ ಸಿಸ್ಟಂ ಮೇಲೆ ದಾಳಿ ನಡೆಸಿದೆ. ಇತ್ತೀಚೆಗೆ ಗಾಜಾ ಪಟ್ಟಿಯಿಂದಲೂ ಇಸ್ರೇಲ್ ಮೇಲೆ ಮಿಸೈಲ್ ದಾಳಿ ನಡೆದಿದ್ದು, ಅದನ್ನು ನಿಯಂತ್ರಿಸೋ ಹಮಾಸ್ ಅನ್ನೋ ಇಸ್ಲಾಮಿಕ್ ಸಂಘಟನೆಗಳ ಕೆಲವೊಂದು ಸ್ಥಳಗಳನ್ನು ಕೂಡ ಇಸ್ರೇಲ್ ಟಾರ್ಗೆಟ್ ಮಾಡಿದೆ. ಇದು ಈ ವರ್ಷ ಇಸ್ರೇಲ್ ಮತ್ತು ಸಿರಿಯಾ ನಡುವೆ ನಡೆದ ದೊಡ್ಡ ಸಂಘರ್ಷಗಳಲ್ಲಿ ಒಂದಾಗಿದೆ. ಅಂದಹಾಗೆ ಇಸ್ರೇಲ್ನಲ್ಲಿ ಇರಾನ್ ಸೈನಿಕರಿದ್ದು, ತಕ್ಕಮಟ್ಟಿಗೆ ಹಿಡಿತ ಸಾಧಿಸಿದ್ದಾರೆ. ಈ ಹಿಂದೆ ನತಾಂಜ್ ಪರಮಾಣು ಘಟಕದಲ್ಲಿ ನಡೆದ ದಾಂಧಲೆಗೆ ಇಸ್ರೇಲ್ ಕಾರಣ ಅಂತ ಇರಾನ್ ಆರೋಪಿಸುತ್ತಲೇ ಬಂದಿದೆ. ಅದ್ರ ಬೆನ್ನಲ್ಲೇ ಸಿರಿಯಾದಿಂದ ಇಸ್ರೇಲ್ ಮೇಲೆ ಅದು ಕೂಡ ನ್ಯೂಕ್ಲಿಯರ್ ಘಟಕದ ಹತ್ತಿರವೇ ನಡೆದಿರೋ ಈ ದಾಳಿ ಇರಾನ್ ಪ್ರೇರಿತವಾಗಿರೋ ಸಾಧ್ಯತೆ ಕೂಡ ಇದೆ. ಇನ್ನು ಸಿರಿಯಾದ ಮೇಲೆ ಇಸ್ರೇಲ್ ದಾಳಿ ನಡೆಸೋದು ಇದೇನು ಹೊಸತಲ್ಲ.. 2011ರಲ್ಲಿ ಸಿರಿಯಾದಲ್ಲಿ ನಾಗರಿಕ ಯುದ್ಧ ಶುರುವಾದಾಗಿನಿಂದಲೂ ಇಸ್ರೇಲ್ ಒಂದಲ್ಲಾ ಒಂದು ದಾಳಿ ನಡೆಸುತ್ತಲೇ ಇರುತ್ತೆ. ಕಳೆದ ವರ್ಷ ಕೂಡ ಸಿರಿಯಾದಲ್ಲಿ 50 ಟಾರ್ಗೆಟ್ಗಳನ್ನು ಧ್ವಂಸಗೊಳಿಸೋದಾಗಿ ಹೇಳಿತ್ತು.
-masthmagaa.com
Contact Us for Advertisement