masthmagaa.com:
ಇನ್ನು ಏಲಿಯನ್ಗಳಿಗೆ ಸಂಬಂಧಿಸಿದಂತೆ ಅಮೆರಿಕದಲ್ಲಿ ಒಂದು ವಿಚಿತ್ರವಾದ ಘಟನೆ ನಡೆದಿದೆ. ಲಾಸ್ ವೇಗಾಸ್ನಲ್ಲಿರೋ ಮ್ಯಾಕ್ಕರನ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಕಾರೊಂದನ್ನು ನುಗ್ಗಿಸಲಾಗಿದೆ. ಭದ್ರತಾ ತಡೆಗಳನ್ನೆಲ್ಲಾ ಡಿಕ್ಕಿ ಹೊಡೆದುಕೊಂಡು ವಿಮಾನದ ಬಳಿ ಹೋದ ಚಾಲಕ ಕೂಡಲೇ ನಿಲ್ಲಿಸಿದ್ದಾನೆ. ನಂತರ ಭದ್ರತಾ ಸಿಬ್ಬಂದಿ ಆತನ ಬಳಿ ಹೋದಾಗ ನನ್ ಹತ್ರ ಸ್ಫೋಟಕ ಇದೆ. ಹತ್ರ ಬಂದ್ರೆ ಉಡಾಯಿಸಿ ಬಿಡ್ತೀನಿ ಅಂತ ಎಚ್ಚರಿಸಿದ್ದಾನೆ. ಹೇಗೋ ಹರಸಾಹಸ ಮಾಡಿ ಭದ್ರತಾ ಸಿಬ್ಬಂದಿ ಆ ವ್ಯಕ್ತಿಯನ್ನು ವಶಕ್ಕೆ ಪಡ್ಕೊಂಡಿದ್ದಾರೆ. ಇಷ್ಟೆಲ್ಲಾ ದಾಂಧಲೆ ನಡೆಸಿದ ವ್ಯಕ್ತಿ 36 ವರ್ಷದ ಮ್ಯಾಥ್ಯೂಸ್ ಅಂತ ಗೊತ್ತಾಗಿದೆ. ವಿಚಾರಣೆ ವೇಳೆ, ನಾನು ವಿಮಾನ ಕದ್ಕೊಂಡು ಏರಿಯಾ 51ಗೆ ಹೋಗಿ, ಏಲಿಯನ್ಗಳನ್ನು ನೋಡಬೇಕಂತ ಅಂದ್ಕೊಂಡಿದ್ದೆ. ಅದೇ ಕಾರಣಕ್ಕೆ ಏರ್ಪೋರ್ಟ್ ನಗ್ಗಿದ್ದು ಅಂತ ಹೇಳಿಕೊಂಡಿದ್ದಾನೆ. ನಂತರ ಕಾರು ಪರಿಶೀಲನೆ ನಡೆಸಿದ್ದಾಗ ಅಲ್ಲಿರೋ ಬಾಂಬು ಕೂಡ ನಕಲಿ ಅಂತ ಗೊತ್ತಾಗಿದೆ.
-masthmagaa.com
2021-12-13