masthmagaa.com:
200 ಪ್ರಯಾಣಿಕರನ್ನು ಹೊತ್ತು ಹಾರುತ್ತಿದ್ದ ಬ್ರಿಟಿಷ್ ಏರ್ವೇಸ್ನ ವಿಮಾನವೊಂದು ದೊಡ್ಡ ಅಪಘಾತವೊಂದ್ರಿಂದ ಜಸ್ಟ್ ಮಿಸ್ ಆಗಿ ಪಾರಾಗಿದೆ. ಲಂಡನ್ನಿಂದ ಡಿಸೆಂಬರ್ 23ರಂದು ಹೊರಟಿದ್ದ ಈ ವಿಮಾನ ಮಧ್ಯ ಅಮೆರಿಕದ ಕೋಸ್ಟಾರಿಕಾಗೆ ಹೋಗ್ಬೇಕಿತ್ತು. ಬೋಯಿಂಗ್ 777 ವಿಮಾನ 35 ಸಾವಿರ ಅಡಿ ಎತ್ತರದಲ್ಲಿ ಹಾರುತ್ತಿತ್ತು. ಅದಕ್ಕಿಂತಲೂ 1 ಸಾವಿರ ಅಡಿ ಎತ್ತರದಲ್ಲಿ ಹಾರುತ್ತಿದ್ದ ವಿಮಾನದಿಂದ ಐಸ್ ತುಂಡೊಂದು ಬಂದು, ಕೆಳಗೆ ಹಾರುತ್ತಿದ್ದ ಬ್ರಿಟಿಷ್ ಏರ್ವೇಸ್ ವಿಮಾನದ ವಿಂಡ್ ಗ್ಲಾಸ್ಗೆ ತಾಗಿದೆ. ಇದ್ರಿಂದ ವಿಂಡ್ಗ್ಲಾಸ್ನ 2 ಇಂಚು ದಪ್ಪನಾದ ವಿಂಡ್ಗ್ಲಾಸ್ ಒಡೆದು ಹೋಗಿದೆ. ಈ ಅಚಾನಕ್ ಆಘಾತದಿಂದ ಕಂಗೆಟ್ಟ ಪೈಲಟ್ಗಳು ಕೂಡಲೇ ವಿಮಾನವನ್ನು ಕ್ಯಾಲಿಫೋರ್ನಿಯಾದ ಸ್ಯಾನ್ ಜೋಸ್ಗೆ ತಿರುಗಿಸಿದ್ದಾರೆ. ಸ್ಯಾನ್ಜೋಸ್ನಲ್ಲಿ ಸುರಕ್ಷಿತವಾಗಿ ಲ್ಯಾಂಡ್ ಮಾಡಲಾಗಿದ್ದು, ಎಲ್ಲಾ ಪ್ರಯಾಣಿಕರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. ಆದ್ರೆ ರಿಪೇರಿ ಕಾರ್ಯ ತಡವಾಗಿದ್ದರಿಂದ, 50 ಗಂಟೆಗಳ ಕಾಲ ವಿಮಾನ ನಿಲ್ದಾಣದಲ್ಲೇ ಕಳೆಯಬೇಕಾಗಿದೆ. ನಂತರ ತಡವಾಗಿ ಅಂದ್ರೆ ಡಿಸೆಂಬರ್ 26ರಂದು ಬಾಕ್ಸಿಂಗ್ ಡೇ, ಅಂದ್ರೆ ಕ್ರಿಸ್ಮಸ್ ಮರುದಿನ ಆಚರಿಸೋ ಹಬ್ಬದಂದು ತಮ್ಮ ಮನೆಗಳಿಗೆ ತೆರಳಿದ್ದಾರೆ. ಒಂದು ಸಣ್ಣ ಮಂಜುಗಡ್ಡೆ 200 ಮಂದಿಯ ಕ್ರಿಸ್ಮಸ್ ದಿನದ ಪ್ಲಾನಿಂಗನ್ನೇ ಕಂಪ್ಲೀಟಾಗಿ ಬುಡಮೇಲು ಮಾಡಿದೆ.
-masthmagaa.com
Contact Us for Advertisement