masthmagaa.com:
ಈಗಾಗಲೇ ತಡವಾಗಿರೋ ನಾಸಾದ ಜೇಮ್ಸ್ ವೆಬ್ ಸ್ಪೇಸ್ ಟೆಲಿಸ್ಕೋಪ್ನ್ನು ಇದೇ ಡಿಸೆಂಬರ್ 26ರಂದು ಬಾಹ್ಯಾಕಾಶಕ್ಕೆ ಕಳುಹಿಸಲು ನಾಸಾ ನಿರ್ಧರಿಸಿದೆ. ಈ ಯೋಜನೆ 1989ರಲ್ಲಿ ಶುರುವಾಗಿತ್ತು. ಇದನ್ನು 2000ರ ಆರಂಭದಲ್ಲೇ ಬಾಹ್ಯಾಕಾಶಕ್ಕೆ ಕಳುಹಿಸಲು ನಿರ್ಧರಿಸಲಾಗಿತ್ತು. ಆದ್ರೆ ನಾನಾ ಕಾರಣಗಳಿಂದ ಸಾಧ್ಯವಾಗಿರಲಿಲ್ಲ. ಇದು ಇತಿಹಾಸದಲ್ಲೇ ಬಾಹ್ಯಾಕಾಶಕ್ಕೆ ಹೋಗ್ತಿರೋ ಅತಿ ಪವರ್ಫುಲ್ ಆಗಿರೋ ಟೆಲಿಸ್ಕೋಪ್ ಆಗಿದೆ. ಜೊತೆಗೆ ಬಜೆಟ್ಗಿಂತ ಮೂರು ಪಟ್ಟು ಜಾಸ್ತಿ ಅಂದ್ರೆ 10 ಬಿಲಿಯನ್ ಡಾಲರ್ ಅಂದ್ರೆ ರೂಪಾಯಿ ಲೆಕ್ಕದಲ್ಲಿ ಸುಮಾರು 75 ಸಾವಿರ ಕೋಟಿ ರೂಪಾಯಿ ದುಡ್ಡು ಖರ್ಚು ಮಾಡಲಾಗಿದೆ. ಅಮೆರಿಕದಲ್ಲಿ ರಚನೆಯಾದ ಈ ಟೆಲಿಸ್ಕೋಪ್ನ್ನು ಉಡಾವಣೆ ಜಾಗವಾದ ಫ್ರೆಂಚ್ ಗಯಾನಾಗೆ ರವಾನಿಸಲಾಗಿತ್ತು. ಸದ್ಯ ಹಬಲ್ ಟೆಲಿಸ್ಕೋಪ್ ಬಾಹ್ಯಾಕಾಶದಲ್ಲಿ ಭೂಮಿಯ ಕಣ್ಣಿನ ರೀತಿಯಲ್ಲಿ ಕೆಲಸ ಮಾಡ್ತಿದೆ.
-masthmagaa.com
Contact Us for Advertisement